പ്രവാസിയ്ക്കു കൈത്താങ്ങായി കൊല്ലം പ്രവാസി അസോസിയേഷന്‍

മനാമ: ഒരു കണ്ണിന്റെ കാഴ്ച പൂര്‍ണമായും നഷ്ടപ്പെടുകയും മറ്റൊരു കണ്ണിന് കാഴ്ച കുറയുകയും ചെയ്ത കൊല്ലം അഞ്ചാലുംമൂട് സ്വദേശിയും, കെപിഎ മനാമ ഏരിയ കമ്മിറ്റി അംഗവുമായ മാഹിന്‍ അബൂബക്കറിന്റെ ചികിത്സയ്ക്ക് ആയി കെപിഎ അംഗങ്ങള്‍ സ്വരൂപിച്ച ചികിത്സാ ധനസഹായം മനാമ ഏരിയ സമ്മേളനത്തില്‍ വച്ച് ഏരിയ ഭാരവാഹികള്‍ കെ.പി.എ പ്രസിഡന്റ് നിസാര്‍ കൊല്ലത്തിനു കൈമാറി. സെക്രട്ടറി കിഷോര്‍ കുമാര്‍ , ഏരിയ കണ്‍വീനര്‍ മനോജ് ജമാല്‍ , ഏരിയ ഭാരവാഹികളായ നവാസ് കുണ്ടറ, ഷഫീക് സൈഫുദ്ദീന്‍, ഗീവര്‍ഗീസ് എന്നിവര്‍ ചടങ്ങില്‍ സംബന്ധിച്ചു.