ലോക്ക് ഡൗണ്: രാജ്യത്തോടും ജനങ്ങളോടും ക്ഷമ ചോദിച്ച് പ്രധാനമന്ത്രി നരേന്ദ്ര മോദി
ന്യൂഡല്ഹി: കൊവിഡ് ബാധയുടെ പേരിലാണെങ്കിലും ജനങ്ങളുടെ സഞ്ചാരസ്വാതന്ത്ര്യത്തിനു മുകളില് ലോക്ക് ഡൗണ് പ്രഖ്യാപിച്ചതിന് ക്ഷമ ചോദിച്ച് പ്രധാനമന്ത്രി നരേന്ദ്ര മോദി. 63മത് മന് കിബാത്ത് പ്രതിമാസ പ്രഭാഷണ പരമ്പരയുടെ ഭാഗമായി രാജ്യത്തെ അഭിസംബോധന ചെയ്തു സംസാരിക്കുകയായിരുന്നു പ്രധാനമന്ത്രി.
''ഞാന് ജനങ്ങളോട് മാപ്പപേക്ഷിക്കുന്നു. ജനങ്ങള് എന്നോട് ക്ഷമിക്കുമെന്നാണ് എന്റെ മനസ്സാക്ഷി എന്നോട് പറയുന്നത്. ഞാന് എടുത്ത തീരുമാനം അവര്ക്ക് വലിയ ബുദ്ധിമുട്ടുകള്ക്ക് കാരണമായി. നിരവധി ദുരിതങ്ങളിലൂടെ കടന്നുപോകുമ്പോള് എന്റെ സഹോരന്മാരും സഹോദരിമാരും കരുതുന്നുണ്ടാവും ഇത് എന്തു തരം പ്രധാനമന്ത്രിയാണെന്ന്. ഞാന് അവരോട് മാപ്പപേക്ഷിക്കുന്നു'' പ്രധാനമന്ത്രി പറഞ്ഞു.
''പലരും അവരെ വീടുകളില് തളച്ചിട്ടതിന് എന്നോട് ദേഷ്യത്തിലായിരിക്കുമെന്ന് എനിക്കറിയാം. അവരുടെ ബുദ്ധിമുട്ടുകള് ഞാന് മനസ്സിലാക്കുന്നു. പക്ഷേ, കൊറോണയ്ക്കെതിരേ യുദ്ധം ചെയ്യാന് മറ്റ് വഴികളില്ല. ഇത് 130 കോടി ജനങ്ങളുടെ ജീവനും മരണത്തിനുമിടയിലുള്ള കളിയാണ്. അതുകൊണ്ട് കടുത്ത തീരുമാനമെടുക്കാതെ നിവൃത്തിയില്ല'' രാജ്യത്തെ പാവപ്പെട്ടവരോട് അദ്ദേഹം പ്രത്യേകം ക്ഷമ ചോദിച്ചു.
''ഇത്തരം തീരുമാനമെടക്കാന് ആരും ഇഷ്ടപ്പെടുകയില്ല. പക്ഷേ, ലോകം മുഴുവനുമുള്ള സാഹചര്യം കണക്കിലെടുക്കുമ്പോള് നമ്മളെയും നമ്മുടെ കുടുംബത്തെയും രക്ഷിക്കാന് ഇതാണ് നമുക്കുമുന്നിലുള്ള ഏക മാര്ഗം.'' പ്രധാനമന്ത്രി പറഞ്ഞു.
RELATED STORIES
എന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMT