"സൂര്യാഘാതം വളരെ സൂക്ഷിക്കണം; ഒരുതവണ ഏല്ക്കേണ്ടി വന്ന ആളാണ് ഞാന്"
അഞ്ചുദിവസവും നിലത്ത് കമിഴ്ന്നു കിടന്നാണ് ഞാന് തള്ളിനീക്കിയത്. ഉറക്കമില്ലാത്ത ദിവസങ്ങളായിരുന്നു അത്.
ഹിദായത്ത് വയനാടിന്റെ ഫേസ്ബുക്ക് പോസ്റ്റ്:
സൂര്യാഘാതം വളരെ സൂക്ഷിക്കണം. ഒരുതവണ ഏല്ക്കേണ്ടി വന്ന ആളാണ് ഞാന്. നമ്മള് വിചാരിക്കുന്നതു പോലെ അല്ല കാര്യങ്ങള്. ശരീരം ചൂടുപിടിക്കുമ്പോള് തല്ക്കാലം വെയിലില് നിന്നും മാറി നിന്നാല് പോരെ എന്നായിരുന്നു ഞാന് ധരിച്ചിരുന്നത്. എന്നാല് ആ ധാരണ മാറ്റാന് സൂര്യാഘാതം ഏല്ക്കേണ്ടതായി വന്നു. സൂര്യാഘാതമേറ്റു എന്ന കാര്യം ഞാന് അറിയുന്നതുതന്നെ വൈകീട്ട് 5നു ശേഷമാണ്. ഉച്ചയ്ക്ക് രണ്ടിനു സൂര്യാഘാതമേറ്റു. ഗവണ്മെന്റ് ഹോസ്പിറ്റലില് പോയപ്പോള് നല്ല തിരക്കായിരുന്നു. അതുകൊണ്ട് നേരെ പ്രൈവറ്റ് ഹോസ്പിറ്റലില് ചെന്നു. തിളച്ച വെള്ളം പുറത്തൊഴിച്ചാല് എന്തായിരിക്കും അവസ്ഥ. അതായിരുന്നു ആ സമയത്ത് എന്റെ അവസ്ഥ ഷര്ട്ട് പോലും ധരിക്കാന് പറ്റാതെ. ഒന്ന് തൊടാന് പോലും പറ്റാത്ത വിധം പൊള്ളിപ്പോയി. അല്പ്പനേരം കൂടി ഞാന് അവിടെ വെയില് കൊണ്ടിരുന്നുവെങ്കില് ഈ സമയത്ത് മരണം വരെ സംഭവിക്കാം എന്നാണ് ഡോക്ടര് പറഞ്ഞത്.
ഞാനിത് പറയുന്നത് വായിക്കുന്ന എല്ലാവരും സൂര്യാഘാതം എന്ന് ലാഘവത്തോടെ പറയുന്ന കാര്യത്തിന്റെ ഗൗരവം മനസ്സിലാക്കാനാണ്. തണുപ്പിക്കുക എന്നല്ലാതെ പ്രത്യേകിച്ച് ഒരു ചികിത്സയും അതിനില്ലായിരുന്നു. അഞ്ചുദിവസവും നിലത്ത് കമിഴ്ന്നു കിടന്നാണ് ഞാന് തള്ളിനീക്കിയത്. ഉറക്കമില്ലാത്ത ദിവസങ്ങളായിരുന്നു അത്. തുണി നനച്ചു പുറത്തിടുക മാത്രമായിരുന്നു ഏക പോംവഴി. വീണ്ടും ഞാന് പറയുന്നു, വെയിലു കൊള്ളുമ്പോള് സൂക്ഷിക്കുക. ശരീരത്തിലേക്ക് നേരിട്ട് വെയിലേല്ക്കുന്ന സാഹചര്യം ഒഴിവാക്കുക. രണ്ടുദിവസം മുമ്പ് പേപ്പറില് കണ്ടത് രണ്ട് സെന്റീമീറ്റര് മൂന്ന് സെന്റീമീറ്റര് ഒക്കെ സൂര്യാഘാതമേറ്റ ചിത്രങ്ങളാണ്. എന്റേത് പുറം മൊത്തം പൊള്ളിയിരുന്നു. സൂര്യാഘാതം ഏല്ക്കുന്ന സമയത്ത് നമ്മള് അത് അറിയില്ല എന്നതാണ് അപകടത്തിന്റെ വ്യാപ്തി വര്ധിപ്പിക്കുന്നത്. ഓര്മയ്ക്കു വേണ്ടി ഇന്നും ഞാന് ആ ഫോട്ടോ സൂക്ഷിച്ചിട്ടുണ്ട്.
NB: രണ്ടു വര്ഷം കഴിഞ്ഞു സംഭവം നടന്നിട്ട്.
സൂര്യാഘാതമേറ്റ് ഏഴാമത്തെ ദിവസം എടുത്തതാണ് ഫോട്ടോ
RELATED STORIES
പോലിസ് സ്റ്റേഷനുമുന്നില് പെട്രോളൊഴിച്ച് തീകൊളുത്തിയ യുവാവ് മരിച്ചു
28 March 2024 12:44 PM GMTദുഃഖ വെള്ളിയും ഈസ്റ്ററും പ്രവൃത്തി ദിനങ്ങളായി പ്രഖ്യാപിച്ച മണിപ്പൂര് ...
28 March 2024 10:18 AM GMTപയ്യാമ്പലത്ത് സിപിഎം നേതാക്കളുടെ സ്മൃതി കുടീരങ്ങളില് കരി ഓയില്...
28 March 2024 10:17 AM GMTതാജ്മഹൽ ശിവക്ഷേത്രമായി പ്രഖ്യാപിക്കണം; യു പി കോടതിയിൽ പുതിയ ഹരജി
28 March 2024 10:16 AM GMTസ്ഥിരമായി കാട്ടാന ആക്രമണം; നൂറ് കണക്കിന് മരങ്ങളും കൃഷിയും നശിപ്പിച്ചു; ...
28 March 2024 10:14 AM GMTകെജ് രിവാളിന് മുഖ്യമന്ത്രിയായി തുടരാം; നീക്കണമെന്ന ഹരജി ഡല്ഹി...
28 March 2024 9:38 AM GMT