സ്വര്‍ണവില റെക്കോര്‍ഡില്‍

കൊച്ചി: സംസ്ഥാനത്ത് റെക്കോര്‍ഡുകള്‍ തകര്‍ത്ത് സ്വര്‍ണവിലയില്‍ കുതിപ്പ് തുടരുന്നു. ഉച്ചക്കു ശേഷം സ്വര്‍ണം ഗ്രാമിന് 35 രൂപ വര്‍ധിച്ച് 13,200 രൂപയും, പവന് 280 രൂപ വര്‍ധിച്ച് 1,05,600 രൂപയുമായി. ബുധനാഴ്ച രാവിലെ ഗ്രാമിന് 100 രൂപ വര്‍ധിച്ച് 13,165 രൂപയും, പവന് 800 രൂപ വര്‍ധിച്ച് 105,320 രൂപയുമായിരുന്നു വില. ഇറാനിലും വെനിസ്വേലയിലും അമേരിക്ക ഇടപെടുന്നതും ഇറാനുമായി വ്യാപാരബന്ധമുള്ള രാജ്യങ്ങള്‍ക്ക് ട്രംപ് 25 ശതമാനം പുതിയ താരിഫ് പ്രഖ്യാപിച്ചതും അടക്കമുള്ള ആഗോള രാഷ്ട്രീയസാഹചര്യങ്ങളാണ് സ്വര്‍ണവില ഉയര്‍ത്തുന്ന പ്രധാനഘടകം.