കെഎസ്ആര്ടിസിക്ക് അടുത്തമാസം 100 പുതിയ ബസുകള്
പരിസ്ഥിതി സൗഹൃദ ഇന്ധനം പ്രോത്സാഹിപ്പിക്കുന്നതിന്റെ ഭാഗമായി 310 സിഎന്ജി ബസുകളും 50 ഇലക്ട്രിക് ബസുകളും വാങ്ങും.
തിരുവനന്തപുരം: കെഎസ്ആര്ടിസി വാങ്ങുന്ന 100 പുതിയ ബസുകള് ഡിസംബറില് ലഭിക്കുമെന്ന് ഗതാഗത മന്ത്രി ആന്റണി രാജു. 8 വോള്വോ എസി സ്ലീപ്പര് ബസ്സും 20 എസി ബസ്സും ഉള്പ്പെടെ 100 ബസുകളാണ് ഡിസംബറില് ലഭിക്കുന്നത്. പരിസ്ഥിതി സൗഹൃദ ഇന്ധനം പ്രോത്സാഹിപ്പിക്കുന്നതിന്റെ ഭാഗമായി 310 സിഎന്ജി ബസുകളും 50 ഇലക്ട്രിക് ബസുകളും വാങ്ങും. നിലവിലുള്ള ഡീസല് എന്ജിനുകള് സിഎന്ജി യിലേക്ക് മാറ്റുന്നതിനുള്ള നടപടികളും പുരോഗമിച്ചുകൊണ്ടിരിക്കുകയാണെന്ന് മന്ത്രി ന്ിയമസഭയില് പറഞ്ഞു.
കെഎസ്ആര്ടിസി ബസ് റൂട്ടുകള് അനുവദിക്കുന്നത് ലാഭത്തിന്റെ അടിസ്ഥാനത്തില് മാത്രമല്ല. പൊതുമേഖലാ സ്ഥാപനം എന്ന നിലയില് സാമൂഹ്യപ്രതിബദ്ധത കൂടി കണക്കിലെടുത്താണ് കെഎസ്ആര്ടിസി ബസ് റൂട്ടുകള് നിശ്ചയിക്കുന്നത്. എന്നാല് സ്ഥിരമായി വലിയ നഷ്ടം വരുത്തുന്ന റൂട്ടുകള് തുടര്ച്ചയായി നടത്തിക്കൊണ്ടുപോകാന് കഴിയില്ല. ഓരോ റൂട്ടും പ്രത്യേകമായി വിലയിരുത്തി തുടര്ച്ചയായി വന് നഷ്ടത്തിലാകുന്ന സര്വീസുകള് ഇനിയും തുടരാനാവില്ല. അതേസമയം, ആദിവാസികള് താമസിക്കുന്നത് പോലുള്ള ചില മേഖലകളില് സാമൂഹിക പ്രതിബദ്ധത മുന്നിര്ത്തി സര്വീസ് തുടരേണ്ടതുണ്ടെന്നും മന്ത്രി പറഞ്ഞു.
ജീവനക്കാരോടും പെന്ഷന്കാരോടും അനുഭാവപൂര്ണമായ സമീപനമാണ് സര്ക്കാരിന്റേത്. ഹൈക്കോടതി വിധിക്ക് വിധേയമായി എം പാനല് ജീവനക്കാരെ സഹായിക്കാനാണ് സര്ക്കാര് ശ്രമിക്കുന്നത്.
കൂടുതല് ലാഭകരമായ സിഎന്ജി ബസുകള്ക്ക് മുന്ഗണന നല്കാനാണ് കെഎസ്ആര്ടിസി ഉദ്ദേശിക്കുന്നത്. ഇലക്ട്രിക് ബസുകള് ലീസിന് എടുത്തത് നഷ്ടത്തില് ആയതിനാല് കരാര് റദ്ദാക്കുകയാണ്.
കെഎസ്ആര്ടിസിയുടെ കെട്ടിടങ്ങള്ക്ക് വളരെ പഴക്കമുള്ളതിനാല് പുനര് നിര്മ്മിക്കേണ്ടതുണ്ട്. ഇപ്പോഴത്തെ സാമ്പത്തിക നിലയില് അതിന് കഴിയില്ല. തദ്ദേശ സ്വയംഭരണ സ്ഥാപനങ്ങളുടെയും ടൂറിസംവകുപ്പിന്റെയും സഹായത്തോടെ കെഎസ്ആര്ടിസി ബസ് ഡിപ്പോകളിലെ ടോയ്ലറ്റുകള് ആധുനികരീതിയില് നവീകരിക്കുന്ന കാര്യം പരിഗണനയിലാണെന്ന് മന്ത്രി പറഞ്ഞു.
കിഫ്ബിയുമായി സഹകരിച്ച് ഒരു പദ്ധതിതയ്യാറാക്കിയിട്ടുണ്ട്. തമിഴ്നാടുമായി ചര്ച്ചചെയ്ത് കൂടുതല് അന്തര് സംസ്ഥാന ബസുകള് ആരംഭിക്കാന് നടപടി സ്വീകരിക്കുമെന്നും മന്ത്രി പറഞ്ഞു. ഗതാഗത വകുപ്പുമായി ബന്ധപ്പെട്ട എംഎല്എമാരുടെ ചോദ്യങ്ങള്ക്ക് നിയമസഭയില് മറുപടി നല്കുകയായിരുന്നു മന്ത്രി ആന്റണി രാജു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
