കൊവിഡ്: ആശുപത്രികളില് അടിയന്തര ചികില്സ നിഷേധിക്കരുത്: വയനാട് ജില്ലാ കലക്ടര്

കല്പ്പറ്റ: ജില്ലയിലെ സര്ക്കാര്,സ്വകാര്യ ആശുപത്രികളില് ചികിത്സ തേടിയെത്തുന്ന രോഗികള്ക്ക് അടിയന്തര ചികിത്സ നിഷേധിക്കരുതെന്ന് ജില്ലാ ദുരന്ത നിവാരണ അതോറിറ്റി ചെയര്മാന് കൂടിയായ ജില്ലാ കലക്ടര് ഉത്തരവിട്ടു. കൊവിഡ് പശ്ചാത്തലത്തില് അടിയന്തര ഘട്ടങ്ങളില് ചികില്സ ലഭ്യമല്ലാത്ത സാഹചര്യം ഉണ്ടാകാന് പാടില്ല. ജില്ലയില് കോവിഡ് രോഗികളുടെ എണ്ണം വര്ദ്ധിച്ച് വരുന്ന സാഹചര്യത്തില് എല്ലാ ആശുപത്രികളും ഹൈ ഡിപെന്ഡന്സി യൂണിറ്റ്, ഐ.സി.യു ബെഡുകളുടെ 25 ശതമാനം കൊവിഡ് രോഗികളുടെ ചികിത്സക്കായി മാറ്റിവെക്കണം. കോവിഡ് പ്രതിരോധ പ്രവര്ത്തനങ്ങളുടെ ഭാഗമായി സര്ക്കാര് ആശുപത്രികളുടെയും കോവിഡ് ട്രീറ്റ്മെന്റ് സെന്ററുകളുടെയും സൗകര്യങ്ങള്ക്ക് പുറമേ സ്വകാര്യ ആശുപത്രികളുടെ സൗകര്യവും ഉപയോഗപ്പെടുത്തുന്നതിന്റെ ഭാഗമായാണ് നടപടി.
കൊവിഡ് രോഗികളുടെയും ഇതര രോഗികളുടെയും ചികിത്സക്കായി വെവ്വെറെ സൗകര്യങ്ങള് ആശുപത്രികളില് ഏര്പ്പെടുത്തണം. ഫിസിഷ്യന്മാര് ഉളള ആശുപത്രികളും അവിടെ കോവിഡ് പോസിറ്റീവായി റിപ്പോര്ട്ട് ചെയ്യുന്ന രോഗികളെ ചികിത്സിക്കണം. കോവിഡ് രോഗികളെ ചികിത്സിക്കുന്നതിനായി എല്ലാ സ്വകാര്യ ആശുപത്രികളിലും കാരുണ്യ ആരോഗ്യ സുരക്ഷാ പദ്ധതി പ്രകാരമുളള രജിസ്ട്രേഷന് നടത്തണം. എല്ലാ ആശുപത്രികളും കൊവിഡ് രോഗികളെയും ലഭ്യമായ കോവിഡ് ചികിത്സാ സൗകര്യങ്ങള് സംബന്ധിച്ച വിവരങ്ങള് ഡി.പി.എം എസ്.യുവില് അറിയി ക്കണമെന്നും ദുരന്ത നിവാരണ നിയമ പ്രകാരം പുറപ്പെടുവിച്ച ഉത്തരവില് വ്യക്തമാക്കി.
RELATED STORIES
കൊല്ലത്ത് ഹൗസ്ബോട്ടിനു തീപ്പിടിച്ചു; വിനോദസഞ്ചാരികളെ രക്ഷപ്പെടുത്തി
30 Jan 2023 3:01 PM GMTതൃശൂരില് വെടിക്കെട്ട് പുരയില് സ്ഫോടനം
30 Jan 2023 2:48 PM GMTമോട്ടിവേഷണല് കൗണ്സിലിങ് പ്രോഗ്രാം നടത്തി
30 Jan 2023 1:59 PM GMTബൈക്ക് റേസിങ് നിയന്ത്രിക്കാറുണ്ടോ ?; പോലിസിനോട് മനുഷ്യാവകാശ കമ്മീഷന്
30 Jan 2023 1:17 PM GMTകക്കൂസ് മാലിന്യനിര്മാര്ജന പ്ലാന്റ്: അഹങ്കാരിയായ മേയര് ബീനാ ഫിലിപ്പ് ...
30 Jan 2023 11:08 AM GMTനിര്മാണമേഖലയിലെ പ്രതിസന്ധി: സര്ക്കാര് അടിയന്തരമായി ഇടപെടണം-...
30 Jan 2023 10:16 AM GMT