എ കെ ഫൈസിയുടെ അറസ്റ്റ്; മാനന്തവാടിയില്‍ എസ് ഡി പി ഐ പ്രതിഷേധിച്ചു

മാനന്തവാടി:എസ് ഡി പി ഐ ദേശീയ പ്രസിഡന്റ് എം കെ ഫൈസിയെ ഇഡി അന്യായമായി അറസ്റ്റ് ചെയ്തതില്‍ പ്രതിഷേധിച്ച് എസ് ഡി പി ഐ മാനന്തവാടി മണ്ഡലം കമ്മിറ്റിയുടെ നേതൃത്വത്തില്‍ പ്രതിഷേധിച്ചു. വിയോജിപ്പുകളെയും രാഷ്ട്രീയ എതിരാളികളെയും അടിച്ചമര്‍ത്താനുള്ള കേന്ദ്ര ഗവണ്മെന്റിന്റെ പ്രതികാര രാഷ്ട്രീയത്തിന്റെ ഭാഗമായാണ് എം കെ ഫൈസിയുടെ അന്യായ അറസ്റ്റെന്നും അദ്ദേഹത്തെ ഉടന്‍ വിട്ടയക്കണമെന്നും പ്രതിഷേധം ഉദ്ഘാടനം ചെയ്തു കൊണ്ട് എസ് ഡി പി ഐ സംസ്ഥാന സെക്രട്ടറി പി ജമീല ആവശ്യപ്പെട്ടു.

മാനന്തവാടി സെഞ്ചുറി ഹോട്ടല്‍ പരിസരത്തു നിന്നും ആരംഭിച്ച പ്രതിഷേധം നഗരം ചുറ്റി ഗാന്ധിപാര്‍ക്കില്‍ സമാപിച്ചു. ജില്ലാ സെക്രട്ടറി സല്‍മ അഷ്റഫ്, ജില്ലാ കമ്മിറ്റിയംഗങ്ങളായ ഇ ഉസ്മാന്‍, മമ്മൂട്ടി കെ, മണ്ഡലം പ്രസിഡന്റ് വി സുലൈമാന്‍, വൈസ് പ്രസിഡന്റ് അലി എ കെ, സെക്രട്ടറി സജീര്‍ എം.ടി, ഓര്‍ഗനൈസിങ് സെക്രട്ടറി സകരിയ്യ,മണ്ഡലം കമ്മിറ്റിയംഗം ആലി പി,സുബൈര്‍, നൗഷാദ്, മുസ്തഫ, ഷുക്കൂര്‍, അബൂബക്കര്‍,ഷൗക്കത്തലി തുടങ്ങിയവര്‍ നേതൃത്വം നല്‍കി.