കുഴഞ്ഞുവീണ് മരിച്ചയാള്‍ക്ക് കൊവിഡ് സ്ഥിരീകരിച്ചു

മാള: മാളയില്‍ കുഴഞ്ഞുവീണ് മരിച്ചയാള്‍ക്ക് കൊവിഡ് സ്ഥിരീകരിച്ചു. വടമ ജംഗ്ഷനില്‍ പലചരക്ക് - പച്ചക്കറി വ്യാപാരം നടത്തുന്ന സെന്റ് ജോണ്‍ കുടുംബ യൂണിറ്റ് അംഗം കണ്ണംമ്പുഴ ജേക്കബ്ബ് മകന്‍ സാബു (48) വാണ് ഇന്നലെ വെളുപ്പിന് വീട്ടില്‍ കുഴഞ്ഞ് വീണ് മരിച്ചത്. ആന്റിജന്‍ ടെസ്റ്റില്‍ zകാവിഡ് പോസറ്റീവ് ആയതിനാല്‍ ആരോഗ്യ വകുപ്പിന്റെ നിര്‍ദ്ദേശപ്രകാരം കൂടുതല്‍ ടെസ്റ്റുകള്‍ നടത്തി കൊവിഡ് സ്ഥിരീകരിച്ചു. വെളുപ്പിന് വീട്ടില്‍ വച്ച് ഫിറ്റ്സ് ബാധിച്ച് കുഴഞ്ഞുവീണാണ് മരിച്ചത്. തുടര്‍ന്ന് ആശുപത്രിയിലെത്തിച്ച് മരണം സ്ഥിരീകരിച്ച ശേഷം നടത്തിയ ആന്റിജന്‍ പരിശോധനയിലാണ് കൊവിഡ് സ്ഥിരീകരിച്ചത്. ആശുപത്രി അധികൃതര്‍ ആരോഗ്യവകുപ്പിനെ അറിയിച്ചതിനെ തുടര്‍ന്ന് ഹെല്‍ത്ത് ഇന്‍സ്‌പെക്റ്റര്‍ സി എ വേണുവിന്റെ നേതൃത്വത്തില്‍ മേല്‍നടപടികള്‍ സ്വീകരിച്ചു. മാള പോലിസും സ്ഥലത്തെത്തിയിരുന്നു. ജില്ലാ മെഡിക്കല്‍ ഓഫിസില്‍ നിന്നുള്ള അനുമതി ലഭിച്ച ശേഷം മൃതദേഹം ബന്ധുക്കള്‍ക്ക് വിട്ടുകൊടുത്തു.