മാളയില്‍ മൂന്നുപേര്‍ക്ക് കൂടി കൊവിഡ് സ്ഥിരീകരിച്ചു

മാള: ഗ്രാമപ്പഞ്ചായത്തില്‍ വീണ്ടും മൂന്നുപേര്‍ക്ക് കൂടി കൊവിഡ് സ്ഥിരീകരിച്ചു. ക്ലസ്റ്റര്‍ പ്രദേശമായ കാട്ടിക്കരക്കുന്നില്‍നിന്നാണ് വീണ്ടും രോഗികളുണ്ടായിരിക്കുന്നത്. സമ്പര്‍ക്കം മൂലമാണ് ഇവര്‍ക്ക് രോഗം ബാധിച്ചിരിക്കുന്നത്. മാളയില്‍ ആന്റിജന്‍ പരിശോധന തുടരുകയാണ്.

ആറ് വയസുള്ള ആണ്‍കുട്ടി, 23 വയസുള്ള പുരുഷന്‍, 60 വയസുള്ള പുരുഷന്‍ എന്നിങ്ങനെയാണ് ഇന്ന് രോഗം കണ്ടെത്തിയവര്‍. കാട്ടിക്കരക്കുന്നില്‍ രോഗം സ്ഥിരീകരിച്ചവരുടെ സമ്പര്‍ക്കപ്പട്ടികയിലുള്ളവരെയും ക്ലസ്റ്റര്‍ മേഖലയില്‍ പ്രവര്‍ത്തിക്കുന്ന ആരോഗ്യകര്‍മസേന വളണ്ടിയര്‍മാരെയും ഇന്ന് പരിശോധനയ്ക്ക് വിധേയമാവുമെന്ന് അധികൃതര്‍ അറിയിച്ചു.