കനത്ത മഴ തുടരുന്നു; പമ്പ ഡാമില്‍ ഓറഞ്ച് അലര്‍ട്ട്

പത്തനംതിട്ട: ജില്ലയില്‍ പെയ്യുന്ന കനത്ത മഴയെത്തുടര്‍ന്ന് പമ്പ ഡാമില്‍ ഓറഞ്ച് അലര്‍ട്ട് പ്രഖ്യാപിച്ചു. ഡാമിന്റെ വൃഷ്ടി പ്രദേശത്ത് രാവിലെ മുതല്‍ ശക്തമായ മഴ തുടരുകയാണ്. ജലനിരപ്പ് ഉയരുകയാണെങ്കില്‍ ഡാം തുറന്നേക്കും. ശബരിമല തീര്‍ത്ഥാടകര്‍ പമ്പയില്‍ ഇറങ്ങരുതെന്ന് കലക്ടര്‍ അറിയിച്ചു. 983.70 അടിയാണ് ഇപ്പോള്‍ ഡാമിലെ ജലനിരപ്പ്.

986 അടിയാണ് ഡാമിന്റെ പരമാവധി സംഭരണ ശേഷി. 984 എത്തിയില്‍ ഡാമില്‍ റെഡ് അലര്‍ട്ട് പ്രഖ്യാപിക്കും. തുടര്‍ന്ന് ജലനിരപ്പ് ക്രമീകരിക്കുന്നതിനായി ഡാമിന്റെ ഷട്ടര്‍ തുറന്ന് ജലം പുറത്തുവിടും. ജില്ലയിലെ കക്കി (ആനത്തോട്) ഡാമിലും ഓറഞ്ച് അലര്‍ട്ടാണ്. ഇടുക്കി ഉള്‍പ്പെടെ ഒമ്പത് ഡാമികളില്‍ റെഡ് അലര്‍ട്ട് പ്രഖ്യാപിച്ചിരിക്കുകയാണ്.