മലമ്പുഴ ജില്ലാ ജയിലില്‍ നിന്ന് തടവുകാരന്‍ ചാടിപ്പോയി

പാലക്കാട്: മലമ്പുഴ ജില്ലാ ജയിലില്‍നിന്ന് റിമാന്റ് തടവുകാരന്‍ ചാടിപ്പോയി. ഇന്ന് രാവിലെയാണ് സംഭവം. കുഴല്‍മന്ദം സ്വദേശി ഷിനോയിയായാണ് ഉദ്യോഗസ്ഥരുടെ കണ്ണുവെട്ടിച്ച് കടന്നുകളഞ്ഞത്.

അടിപിടി കേസില്‍ അറസ്റ്റിലായ ഇയാളെ കോടതി കഴിഞ്ഞ ദിവസം റിമാന്‍ഡ് ചെയ്തിരുന്നു. ചാടിപ്പോയ പ്രതിക്കായി പോലിസ് തിരച്ചില്‍ തുടങ്ങിയിട്ടുണ്ട്. ഇയാള്‍ എങ്ങനെയാണ് രക്ഷപ്പെട്ടതെന്ന കാര്യം ജയില്‍വകുപ്പും പരിശോധിക്കുകയാണ്.