എട്ടുവയസുകാരിയെ പീഡിപ്പിച്ച കേസ്; 72കാരന് 65 വര്‍ഷം തടവും പിഴയും

പാലക്കാട്: എട്ടുവയസ്സുകാരിയെ പീഡിപ്പിച്ച കേസില്‍ 72കാരനായ പ്രതിക്ക് 65 വര്‍ഷം തടവും രണ്ടുലക്ഷം രൂപ പിഴയും ശിക്ഷ വിധിച്ചു. പാലക്കാട് ഒറ്റപ്പാലത്ത് കഴിഞ്ഞ വര്‍ഷമാണ് കേസിനാസ്പദമായ സംഭവം നടന്നത്.

മുളത്തൂര്‍ സ്വദേശി അപ്പുവിനെയാണ് പട്ടാമ്പി അതിവേഗ കോടതി ജഡ്ജി സതീഷ് കുമാറാണ് ശിക്ഷ വിധിച്ചത്. ശിക്ഷ ഒരുമിച്ച് അനുഭവിക്കുന്നതിനാല്‍ 20 വര്‍ഷം ജയിലില്‍ കിടക്കേണ്ടിവരും. പിഴ സംഖ്യ ഇരയായ കുട്ടിക്ക് നല്‍കണമെന്നാണ് കോടതി ഉത്തരവ്.