ഭാര്യയെ വെട്ടിക്കൊലപ്പെടുത്തി ഭര്ത്താവ് തൂങ്ങിമരിച്ചു
നാലുദിവസങ്ങള്ക്ക് മുമ്പ് ഭാര്യവീട്ടില് പോയിരുന്ന ഇവര് വ്യാഴാഴ്ചയാണ് മടങ്ങിയെത്തിയത്. തുടര്ന്ന് ടി വി ഉച്ചത്തില്വച്ച് സന്തോഷ് കൊലപാതകം നടത്തുകയായിരുന്നു.
ചെര്പ്പുളശ്ശേരി: നെല്ലായ പേങ്ങാട്ടിരി കാട്ടുകുളത്ത് ഭാര്യയെ വെട്ടിക്കൊലപ്പെടുത്തിയ ഭര്ത്താവിനെ ഒരു കിലോമീറ്റര് മാറി തൂങ്ങിമരിച്ച നിലയില് കണ്ടെത്തി. വ്യാഴാഴ്ച ഇവര് താമസിക്കുന്ന വാടകവീട്ടിലാണ് സംഭവം. തൃശൂര്- വടക്കാഞ്ചേരി ഓട്ടുപ്പാറ പുന്നംപറമ്പില് രാജന്റെ മകള് രഞ്ജിഷ (24) യാണ് വെട്ടേറ്റുമരിച്ചത്. കൊലപാതകത്തിനുശേഷം ഭര്ത്താവ് മണ്ണാര്ക്കാട് ചെറുകുളം താഴത്തെ പുത്തന്വീട്ടില് സന്തോഷിനെ (33) തൂങ്ങിമരിച്ച നിലയിലും കണ്ടെത്തി. വാടകവീട്ടില്നിന്ന് ബൈക്കിലെത്തിയ സന്തോഷ് പൊട്ടച്ചിറ- എഴുവന്തല റോഡിലുള്ള മുണ്ടാനാംകുര്ശ്ശിയില് റോഡരികിലെ തേക്കുമരത്തില് തൂങ്ങിമരിക്കുകയായിരുന്നു. ഇവര്ക്ക് കുട്ടികളില്ല.
ടൈല്സിന്റെ പ്രവൃത്തിചെയ്യുന്ന ആളാണ് സന്തോഷ്. ഒരുവര്ഷമായി ഇവര് ഇവിടെ താമസിക്കുകയാണ്. നാലുദിവസങ്ങള്ക്ക് മുമ്പ് ഭാര്യവീട്ടില് പോയിരുന്ന ഇവര് വ്യാഴാഴ്ചയാണ് മടങ്ങിയെത്തിയത്. തുടര്ന്ന് ടി വി ഉച്ചത്തില്വച്ച് സന്തോഷ് കൊലപാതകം നടത്തുകയായിരുന്നു. ആദ്യഭാര്യയില്നിന്ന് വിവാഹമോചനം നേടിയശേഷമാണ് രഞ്ജിഷയെ സന്തോഷ് വിവാഹം കഴിക്കുന്നത്. ഷൊര്ണൂരില്നിന്നുള്ള ഡോഗ് സ്ക്വാഡും വിരലടയാള വിദഗ്ധരും സ്ഥലത്തെത്തി തെളിവെടുപ്പ് നടത്തി. ഷൊര്ണൂര് ഡിവൈഎസ്പി മുരളിധരന്, സിഐ പ്രമോദ് എന്നിവര് തെളിവെടുപ്പിന് നേതൃത്വം നല്കി.
RELATED STORIES
മണപ്പുറം ഫിനാന്സ് തട്ടിപ്പ്; പ്രതി ധന്യാ മോഹന് പോലിസില് കീഴടങ്ങി
26 July 2024 5:46 PM GMTആര്എസ്എസിനെ പുകഴ്ത്തിയും വിലക്കിനെ വിമര്ശിച്ചും മധ്യപ്രദേശ്...
26 July 2024 5:25 PM GMT'അര്ജുനെ കണ്ടെത്താന് കുടുതല് ഇടപെടല് വേണം'; പ്രതിരോധ മന്ത്രിക്കും...
26 July 2024 5:06 PM GMTഖാന് യൂനിസില് വീണ്ടും ഇസ്രായേല് കൂട്ടക്കുരുതി; 18 പേര്...
26 July 2024 4:55 PM GMTസംസ്ഥാന സ്കൂള് കലോല്സവം ഡിസംബര് മൂന്നുമുതല് തിരുവനന്തപുരത്ത്
26 July 2024 4:45 PM GMTനീറ്റ് യുജി പുതുക്കിയ റാങ്ക് പട്ടിക പുറത്തിറക്കി; കണ്ണൂര് സ്വദേശി...
26 July 2024 4:29 PM GMT