സംസ്ഥാന ബോക്‌സിങ് ചാംപ്യന്‍ഷിപ്പില്‍ ഗോള്‍ഡ് മെഡല്‍ നേടി ഏഴാം ക്ലാസ്സുകാരി പവന പവല്‍
17 Oct 2021 12:43 PM GMT
പരപ്പനങ്ങാടി: തിരുവനന്തപുരത്ത് നടന്ന സംസ്ഥാന ബോക്‌സിങ് ചാംപ്യന്‍ഷിപ്പില്‍ ഗോള്‍ഡ് മെഡല്‍ കരസ്ഥമാക്കി പവന പവല്‍. പരപ്പനങ്ങാടി കോവിലകം റോഡ് റോഡില്‍ ശ്രീപാദത്തില്‍ രാമനാഥ് പവലിന്റെയും സന്ധ്യയുടെയും മകളായ പവന കഴിഞ്ഞ ആഗസ്ത് 30ന് കോട്ടയ്ക്കലില്‍ നടന്ന ജില്ലാ ബോക്‌സിങ് ചാംപ്യന്‍ഷിപ്പില്‍ വിജയി ആയതിനെത്തുടര്‍ന്നാണ് സംസ്ഥാന മല്‍സരത്തില്‍ അര്‍ഹത നേടിയത്.
പറമ്പില്‍ പീടിക ക്ലാസിക് ബോക്‌സിങ് ക്ലബ്ബിനെ പ്രതിനിധീകരിച്ചായിരുന്നു പവന പങ്കെടുത്തത്. അരുണ്‍, സത്യന്‍ ജിഷ, മൊയ്തൂട്ടി എന്നിവരുടെ പരിശീലനത്തില്‍ ആണ് പവന ചാംപ്യന്‍ഷിപ്പ് മല്‍സരത്തില്‍ പങ്കെടുത്തത്. അരിയല്ലൂര്‍ എംവി ഹയര്‍ സെക്കന്‍ഡറി സ്‌കൂള്‍ ഏഴാം ക്ലാസ് വിദ്യാര്‍ഥിനിയാണ് പവന.
Next Story
