മോട്ടോര് വാഹന വകുപ്പുമായി ബന്ധപ്പെട്ട ടെസ്റ്റുകള്ക്ക് നിരോധനം
ജില്ലയിലെ ആര് ടി ഓഫിസ്, സബ് ആര്ടി ഓഫിസുകള് എന്നിവ കേന്ദ്രീകരിച്ചു നടത്തുന്ന ഡ്രൈവിങ് ടെസ്റ്റുകള്, ഫിറ്റ്നസ്, രജിസ്ട്രേഷന് പുതുക്കല് തുടങ്ങിയ വാഹന പരിശോധനകളും 2021 ഏപ്രില് 21 മുതല് രണ്ടാഴ്ച്ചത്തേക്കാണ് നിര്ത്തിവച്ചിരിക്കുന്നത്.
മലപ്പുറം: കൊവിഡ് വ്യാപനം ക്രമാതീതമായി വര്ധിക്കുന്ന സാഹചര്യത്തില് മോട്ടോര് വാഹന വകുപ്പില് നിന്നുള്ള സേവനങ്ങള്ക്ക് ഭാഗിക നിരോധനം ഏര്പ്പെടുത്തിയതായി മലപ്പുറം ആര്ടിഒ കെ ജോഷി അറിയിച്ചു. ജില്ലയിലെ ആര് ടി ഓഫിസ്, സബ് ആര്ടി ഓഫിസുകള് എന്നിവ കേന്ദ്രീകരിച്ചു നടത്തുന്ന ഡ്രൈവിങ് ടെസ്റ്റുകള്, ഫിറ്റ്നസ്, രജിസ്ട്രേഷന് പുതുക്കല് തുടങ്ങിയ വാഹന പരിശോധനകളും 2021 ഏപ്രില് 21 മുതല് രണ്ടാഴ്ച്ചത്തേക്കാണ് നിര്ത്തിവച്ചിരിക്കുന്നത്.
സാമൂഹ്യ അകലവും ആരോഗ്യ ജാഗ്രതയും ഉറപ്പാക്കുന്നതിന്റെ ഭാഗമായിട്ടാണ് നടപടി. നിരോധനമുള്ള രണ്ടാഴ്ച്ചത്തേക്ക് മുന്കൂട്ടി ഓണ്ലൈന് വഴി സ്ലോട്ട് ബുക്ക് ചെയ്തവര്ക്ക് പിന്നീട് അവസരം നല്കും. ഓണ്ലൈന് സേവനങ്ങള് മാത്രമേ ഈ കാലയളവില് അനുവദിക്കൂവെന്നും മലപ്പുറം ആര്.ടി.ഒ പറഞ്ഞു. ഓണ്ലൈന് മുഖേന സമര്പ്പിക്കുന്ന അപേക്ഷകളുടെ പകര്പ്പ് മോട്ടോര് വാഹന വകുപ്പിന്റെ ഓഫിസുകള്ക്ക് പുറത്തുള്ള പെട്ടികളില് നിക്ഷേപിക്കാം.
കൊവിഡ് മാനദണ്ഡങ്ങള് പൂര്ണമായും പാലിച്ച് ഈ സൗകര്യം പ്രയോജനപ്പെടുത്തണം. സേവനങ്ങള്ക്ക് ഏര്പ്പെടുത്തിയ നിരോധന കാലയളവില് ഫോണ് വഴിയുള്ള അന്വേഷണങ്ങള്ക്ക് ഓഫിസുകളില് സംവിധാനം ഒരുക്കിയിട്ടുണ്ട്. ഇതിനു പുറമെ ആര്ടി ഓഫിസില് നേരത്തെ നടത്താന് നിശ്ചയിച്ച കൂടിക്കാഴ്ചകള് ഉള്പ്പെടെ നേരിട്ടുള്ള കൗണ്ടര് സേവനങ്ങളും അന്വേഷണങ്ങളും 14 ദിവസങ്ങളിലേക്ക് നിര്ത്തിവച്ചു. വിവരങ്ങള്ക്ക് -0483 2734924.
RELATED STORIES
കിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMT