ജില്ലാ ക്രിക്കറ്റ് ലീഗ്: ലോര്‍ഡ്‌സ് സിസി മലപ്പുറം ജേതാക്കള്‍

പെരിന്തല്‍മണ്ണ: മലപ്പുറം ജില്ലാ ക്രിക്കറ്റ് അസോസിയേഷന്‍ നടത്തുന്ന ജില്ലാ ക്രിക്കറ്റ് ലീഗ് 'എ' ഡിവിഷന്‍ മല്‍സരത്തില്‍ ലോര്‍ഡ്‌സ് സിസി മലപ്പുറം 21 റണ്‍സിന് അല്‍ അമീന്‍ യൂത്ത് സെന്റര്‍ കോട്ടയ്ക്കലിനെ പരാജയപ്പെടുത്തി. സ്‌കോര്‍: ലോര്‍ഡ്‌സ് സിസി മലപ്പുറം 43 ഓവറില്‍ 10 വിക്കറ്റ് നഷ്ടത്തില്‍ 165 റണ്‍സ്. ലോര്‍ഡ്‌സിന്റെ അഭിഷേക് ജോസഫ് 46 റണ്‍സ്.

അല്‍ അമീന്‍ കോട്ടയ്ക്കലിന്റെ ടി കെ ഉബൈദ് 8 ഓവറില്‍ 18 റണ്‍സ് വിട്ടുകൊടുത്ത് 5 വിക്കറ്റെടുത്തു. അല്‍ അമീന്‍ കോട്ടയ്ക്കല്‍ 35.4 ഓവറില്‍ 144 റണ്‍സിന് എല്ലവരും പുറത്തായി. അല്‍ അമീന്റെ കെ വിഷ്ണു, മുഹമ്മദ് ഫൈസല്‍ എന്നിവര്‍ 24 റണ്‍സ് നേടി. ലോര്‍ഡ്‌സിന്റെ സായി കൃഷ്ണന്‍ 9 ഓവറില്‍ 34 റണ്‍സ് വിട്ടുകൊടുത്ത് 4 വിക്കറ്റുമെടുത്തു.