മലപ്പുറം ജില്ലയില് 482 പേര്ക്ക് കൊവിഡ്; 261 പേര്ക്ക് രോഗമുക്തി
![മലപ്പുറം ജില്ലയില് 482 പേര്ക്ക് കൊവിഡ്; 261 പേര്ക്ക് രോഗമുക്തി മലപ്പുറം ജില്ലയില് 482 പേര്ക്ക് കൊവിഡ്; 261 പേര്ക്ക് രോഗമുക്തി](https://www.thejasnews.com/h-upload/2020/09/14/122531-6.jpg)
മലപ്പുറം: ജില്ലയില് ഇന്ന് 482 പേര്ക്ക് കൊവിഡ് 19 സ്ഥിരീകരിച്ചതായി ജില്ലാ കലക്ടര് കെ. ഗോപാലകൃഷ്ണന് അറിയിച്ചു. 440 പേര്ക്ക് നേരിട്ടുള്ള സമ്പര്ക്കത്തിലൂടെയാണ് രോഗബാധ. 17 പേര്ക്ക് ഉറവിടമറിയാതെയാണ് കൊവിഡ് 19 ബാധിച്ചത്. വൈറസ് ബാധയുണ്ടായവരില് അഞ്ച് പേര് ആരോഗ്യ പ്രവര്ത്തകരാണ്. ഇന്ന് രോഗം സ്ഥിരീകരിച്ചവരില് ആറ് പേര് അന്തര് സംസ്ഥാനങ്ങളില് നിന്നെത്തിയവരും ശേഷിക്കുന്ന 14 പേര് വിവിധ വിദേശ രാജ്യങ്ങളില് നിന്നെത്തിയവരുമാണ്. ജില്ലയില് ഇന്ന് 261 പേര് വിദഗ്ധ ചികില്സക്ക് ശേഷം ഇന്ന് രോഗമുക്തരായി. ഇതുവരെ 10,004 പേരാണ് വിദഗ്ധ ചികില്സക്ക് ശേഷം രോഗമുക്തരായി വീടുകളിലേക്ക് മടങ്ങിയതെന്നും ജില്ലാ കലക്ടര് പറഞ്ഞു.
31,936 പേരാണ് ഇപ്പോള് ജില്ലയില് നിരീക്ഷണത്തിലുള്ളത്. 3,032 പേര് വിവിധ ചികില്സാ കേന്ദ്രങ്ങളില് നിരീക്ഷണത്തിലുണ്ട്. കൊവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 425 പേരും വിവിധ കൊവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 1,669 പേരുമാണ് നിരീക്ഷണത്തിലുള്ളത്. മറ്റുള്ളവര് വീടുകളിലും കൊവിഡ് കെയര് സെന്ററുകളിലുമായി നിരീക്ഷണത്തിലാണ്. ഇതുവരെ 1,34,758 സാംപുകളാണ് ജില്ലയില് നിന്ന് പരിശോധനക്കയച്ചത്. ഇതില് 1,255 സാംപിളുകളുടെ പരിശോധനാ ഫലങ്ങള് ലഭിക്കാനുണ്ട്.
രോഗം സ്ഥിരീകരിച്ചവരുമായി ഏതെങ്കിലും വിധത്തില് സമ്പര്ക്കമുണ്ടായിട്ടുള്ളവര് വീടുകളില് പ്രത്യേക മുറികളില് നിരീക്ഷണത്തില് കഴിയണമെന്ന് ജില്ലാ മെഡിക്കല് ഓഫിസര് ഡോ. കെ. സക്കീന അറിയിച്ചു. ഈ വിവരം ആരോഗ്യ പ്രവര്ത്തകരെ അറിയിക്കണം. വീടുകളില് നിരീക്ഷണത്തിന് സൗകര്യമില്ലാത്തവര്ക്ക് സര്ക്കാര് ഒരുക്കിയ കൊവിഡ് കെയര് സെന്ററുകള് ഉപയോഗപ്പെടുത്താം. ആരോഗ്യ പ്രശ്നങ്ങളുണ്ടായാല് ഒരു കാരണവശാലും നേരിട്ട് ആശുപത്രികളില് പോകരുത്. ജില്ലാതല കണ്ട്രോള് സെല്ലില് വിളിച്ച് ലഭിക്കുന്ന നിര്ദേശങ്ങള് പൂര്ണമായും പാലിക്കണം. ജില്ലാതല കണ്ട്രോള് സെല് നമ്പറുകള്: 0483 2737858, 2737857, 2733251, 2733252, 2733253.
RELATED STORIES
കലാപാഹ്വാനക്കേസ് നിലനില്ക്കില്ലെന്ന് കോടതി; പോപുലര് ഫ്രണ്ട് മുന്...
26 July 2024 2:41 PM GMTരാമനഗര ജില്ല ഇനി ബെംഗളൂരു സൗത്ത്; കര്ണാടകയിലും പേരുമാറ്റം
26 July 2024 1:07 PM GMTരാഷ്ട്രപതി ഭവനിലും പേരുമാറ്റം; ദര്ബാര് ഹാള് ഇനി 'ഗണതന്ത്ര മണ്ഡപം'
25 July 2024 11:17 AM GMTഅര്ജുന്റെ ലോറിയിലെ തടി 8 കിലോമീറ്റര് അകലെ നിന്നു കണ്ടെത്തി; പിഎ 1...
25 July 2024 9:23 AM GMTസത്യസരണിയിലേക്കുള്ള സംഘപരിവാര് മാര്ച്ച് തടഞ്ഞെന്ന കേസ്: മുഴുവന്...
23 July 2024 11:07 AM GMTമൂന്നാംമോദി സര്ക്കാരിന്റെ ആദ്യ ബജറ്റ് ധനമന്ത്രി നിര്മലാ സീതാരാമന്...
23 July 2024 6:10 AM GMT