എസ്എസ്എഫ് ജില്ലാ സാഹിത്യോല്സവ് പ്രഖ്യാപിച്ചു
കൊല്ലം: എസ്എസ്എഫ് 28ാമത് എഡിഷന് ജില്ലാ സാഹിത്യോല്സവ് പ്രഖ്യാപനം സമസ്ത കേരള ജംഇയ്യത്തുല് ഉലമ ഉപാധ്യക്ഷന് സിറാജുല് ഉലമ പി എ ഹൈദ്രൂസ് മുസ്ലിയാര് നിര്വഹിച്ചു. സപ്തംബര് 9 മുതല് 11 വരെ തിയ്യതികളിലായി വെര്ച്വല് വേദികളിലാണ് ഈ വര്ഷത്തെ കലാസാഹിത്യമല്സരങ്ങള് അരങ്ങേറുകയെന്ന് സംഘാടകര് പറഞ്ഞു. സര്ഗശേഷികള് പുതിയ സാമൂഹിക സൃഷ്ടിപ്പിന് പ്രയോഗിക്കുകയാണ് സാഹിത്യോല്സവുകള് ലക്ഷ്യമാക്കുന്നത്. ബ്ലോക്ക് തലം മുതല് സംസ്ഥാന തലം വരെ വിവിധ വിഭാഗങ്ങളിലായാണ് മല്സരങ്ങള് നടക്കുന്നത്.
വറുതിയുടെ കാലത്ത് ആസ്വാദനത്തിന്റെയും നിലനില്പിന്റെയും പാഠങ്ങള് നുകരാന് സാഹിത്യോല്സവ് വേദികള് കൊണ്ട് സാധ്യമാവുമെന്ന് എസ്എസ് എഫ് കൊല്ലം ജില്ലാ കമ്മിറ്റി വ്യക്തമാക്കി. ബ്ലോക്ക്, യൂനിറ്റ്, സെക്ടര്, ഡിവിഷന്, ജില്ല, സംസ്ഥാന തലങ്ങളിലായാണ് സാഹിത്യോല്സവ് സംവിധാനിച്ചിരിക്കുന്നത്. ജില്ലയിലെ മുന്നൂറില്പരം ബ്ലോക്കുകളിലും 200 യൂനിറ്റുകളിലും സാഹിത്യോല്സവ് പൂര്ത്തിയായിട്ടുണ്ട്.
സെക്ടര്, ഡിവിഷന് തലങ്ങളില് സാഹിത്യോല്സവ് പൂര്ത്തിയായി വരുന്നു. കൊല്ലം, കരുനാഗപള്ളി, ചവറ, ചാത്തന്നൂര്, ശാസ്താംകോട്ട, ചടയമംഗലം, പത്തനാപുരം എന്നീ ഡിവിഷനുകളില് മല്സരിച്ച് വിജയിക്കുന്ന പ്രതിഭകള് ജില്ലാ സാഹിത്യോത്സവില് മാറ്റുരയ്ക്കുമെന്നും സംഘാടകര് അറിയിച്ചു. പ്രഖ്യാപന ചടങ്ങില് ജില്ലാ പ്രസിഡന്റ് എ എസ് ഷമീര് ജൗഹരി, ജനറല് സെക്രട്ടറി ഷമീര് വടക്കേവിള, കാബിനറ്റ് സെക്രട്ടറി എച്ച് എഫ് ഷമീര് ജൗഹരി, സാഹിത്യോല്സവ് കണ്വീനര് അനസ് മൈലാപ്പൂര് എന്നിവര് സംബന്ധിച്ചു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
