കൊല്ലത്ത് മാതാവ് കഴുത്തറുത്ത് കൊല്ലപ്പെട്ടു; മകന്‍ തൂങ്ങിമരിച്ച നിലയില്‍

കൊട്ടിയം: കൊല്ലത്ത് മാതാവും മകനും മരിച്ച നിലയില്‍. തഴുത്തല സ്വദേശി നസിയത്തും (60) മകന്‍ ഷാനുമാണ് (34) മരിച്ചത്. നസിയത്തിന്റെ മൃതദേഹം കഴുത്തറുത്ത നിലയിലും ഷാനിന്റെ മൃതദേഹം തൂങ്ങിയ നിലയിലുമാണ് കണ്ടെത്തിയത്. മാതാവിനെ കഴുത്തറുത്ത് കൊന്ന ശേഷം മകന്‍ ജീവനൊടുക്കിയതാണെന്നാണ് നിഗമനം. ഇവര്‍ തമ്മില്‍ വഴക്കുണ്ടായെന്നാണ് അയല്‍വാസികള്‍ പറയുന്നത്. കൊട്ടിയം പോലിസ് സ്ഥലത്തെത്തി തുടര്‍ നടപടികള്‍ സ്വീകരിച്ചു.