ബസ്സിടിച്ച് സ്‌കൂട്ടര്‍ യാത്രക്കാരി മരിച്ചു

കണ്ണൂര്‍: ഭര്‍ത്താവിനൊപ്പം സ്‌കൂട്ടറില്‍ പോവുകയായിരുന്ന യുവതി ബസ്സിടിച്ച് മരിച്ചു. കാടാച്ചിറ സ്വദേശിനിയായ നസ്‌റിയ(40)യാണു മരിച്ചത്. കണ്ണൂര്‍ ജില്ലാ ആശുപത്രി-മുണ്ടേരിമൊട്ട-ചെക്കിക്കുളം റൂട്ടിലോടുന്ന നസ്‌ലാസ് ബസ്സാണ് ഇടിച്ചത്. തിങ്കളാഴ്ച വൈകിട്ട് നാലോടെ താണ ബസ് സ്‌റ്റോപ്പിനു സമീപമാണ് സംഭവം. ബസ് സ്‌കൂട്ടറിലിടിച്ചതിനെ തുടര്‍ന്ന് പിന്‍സീറ്റില്‍നിന്ന് റോഡിലേക്ക് തെറിച്ചുവീണ നസ്‌റിയയുടെ ശരീരത്തിലൂടെ ടയര്‍ കയറിയിറങ്ങുകയായിരുന്നു. പോലിസ് സ്ഥലത്തെത്തി മൃതദേഹം ജില്ലാ ആശുപത്രി മോര്‍ച്ചറിയിലേക്ക് മാറ്റി.