കോഴിക്കോടിനും ബേപ്പൂരിനുമിടയില്‍ സ്പീഡ് ബോട്ട് സര്‍വീസ് (video)

കോഴിക്കോട്: ബേപ്പൂരിനേയും കോഴിക്കോട് ബീച്ചിനേയും ബന്ധിപ്പിക്കുന്ന സ്പീഡ് ബോട്ട് സര്‍വീസ് ടൂറിസം വകുപ്പ് മന്ത്രി പി എ മുഹമ്മദ് റിയാസ് ഉദ്ഘാടനം ചെയ്തു. കോഴിക്കോട്-ബേപ്പൂര്‍ റൂട്ടില്‍ ആദ്യമായാണ് ബോട്ട് സര്‍വീസ് ആരംഭിക്കുന്നത്. ഒരു ബോട്ടില്‍ 13 പേര്‍ക്ക് യാത്ര ചെയ്യാം. കോഴിക്കോട് ബീച്ചില്‍നിന്ന് മിതമായ വേഗത്തില്‍ 15 മിനിറ്റ് കൊണ്ട് ബേപ്പൂരിലെത്താം.

വിവിധ പാക്കേജുകള്‍ തിരഞ്ഞെടുത്ത് യാത്ര ചെയ്യാനുള്ള സൗകര്യവുമുണ്ട്. കോഴിക്കോടിന്റെ വിനോദസഞ്ചാരമേഖലയില്‍ സ്പീഡ് ബോട്ട് യാത്ര പുതിയ അനുഭവമാകുമെന്ന് മന്ത്രി പറഞ്ഞു. മലബാറിന്റെ കടല്‍ ടൂറിസം സാധ്യതകള്‍ പ്രയോജനപ്പെടുത്തുന്നതിന്റെ ഭാഗമായാണ് സ്പീഡ് ബോട്ട് സര്‍വീസ് ആരംഭിക്കുന്നത്. പദ്ധതി ജില്ലയിലാകെ വ്യാപിപ്പിക്കുന്ന കാര്യം പരിഗണിക്കും. സാഹസികത ഇഷ്ടപ്പെടുന്നവര്‍ക്ക് ബോട്ട് യാത്ര മികച്ച അനുഭവമായിരിക്കും. ഭാവിയില്‍ കൂടുതല്‍ സൗകര്യങ്ങളുള്ള സര്‍വീസ് നടത്തുമെന്നും മന്ത്രി പറഞ്ഞു.