Top

ഇതരസംസ്ഥാന തൊഴിലാളികള്‍ക്കു നേരേ ആക്രമണം: വെളിവാകുന്നത് സിപിഎമ്മിന്റെ വികൃതമുഖമെന്ന് എസ്ഡിപിഐ

തലശ്ശേരിയില്‍ എന്‍ഡിഎഫ് പ്രവര്‍ത്തകന്‍ ഫസല്‍ കൊല്ലപ്പെട്ടപ്പോഴും ആര്‍എംപി നേതാവ് ടി പി ചന്ദ്രശേഖരനെ കൊന്നപ്പോഴും വര്‍ഗീയസംഘര്‍ഷമുണ്ടാക്കാനുള്ള ശ്രമങ്ങള്‍ സിപിഎം നടത്തിയിരുന്നു.

ഇതരസംസ്ഥാന തൊഴിലാളികള്‍ക്കു നേരേ ആക്രമണം: വെളിവാകുന്നത് സിപിഎമ്മിന്റെ വികൃതമുഖമെന്ന് എസ്ഡിപിഐ

നാദാപുരം: കല്ലാച്ചിയില്‍ പൗരത്വ നിയമ ഭേദഗതിക്കെതിരേ പ്രകടനം നടത്തിയ ഇതരസംസ്ഥാന തൊഴിലാളികളെ ആക്രമിച്ച സംഭവത്തില്‍ സിപിഎം പ്രവര്‍ത്തകര്‍ പിടിയിലായതോടെ അവരുടെ വികൃതമുഖം ഒന്നുകൂടി അനാവരണം ചെയ്യപ്പെട്ടതായി എസ്ഡിപിഐ നാദാപുരം മണ്ഡലം കമ്മിറ്റി പ്രസ്താവിച്ചു. വര്‍ഗീയസംഘര്‍ഷം ഇളക്കിവിടാനുള്ള നീക്കത്തിന്റെ ഭാഗമാണ് ആക്രമണമെന്നാണ് പോലിസ് പറയുന്നത്. തലശ്ശേരിയില്‍ എന്‍ഡിഎഫ് പ്രവര്‍ത്തകന്‍ ഫസല്‍ കൊല്ലപ്പെട്ടപ്പോഴും ആര്‍എംപി നേതാവ് ടി പി ചന്ദ്രശേഖരനെ കൊന്നപ്പോഴും വര്‍ഗീയസംഘര്‍ഷമുണ്ടാക്കാനുള്ള ശ്രമങ്ങള്‍ സിപിഎം നടത്തിയിരുന്നു.

അതേ നികൃഷ്ടതയുടെ ആവര്‍ത്തനമാണ് ഈ സംഭവത്തിലും വെളിവാകുന്നത്. സമാധാനം നിലനില്‍ക്കുന്ന നാദാപുരം പ്രദേശങ്ങളില്‍ വീണ്ടും കലാപങ്ങള്‍ക്ക് തിരികൊളുത്താനുള്ള സിപിഎമ്മിന്റെ വൃത്തികെട്ട നീക്കങ്ങളെ പ്രദേശത്തെ ജനങ്ങള്‍ കരുതിയിരിക്കണമെന്നും സംഭവത്തില്‍ ഉള്‍പ്പെട്ട മുഴുവന്‍ പ്രതികളെയും പിടികൂടണമെന്നും എസ്ഡിപിഐ ആവശ്യപ്പെട്ടു. പ്രസിഡന്റ് ടി എം ഹസന്‍, സെക്രട്ടറി അഡ്വ. ഇ കെ മുഹമ്മദലി, മണ്ഡലം ഭാരവാഹികളായ ടി വി ഹമീദ്, അയ്യൂബ് തീര്‍ചലോത്, ഹബീബ് തങ്ങള്‍, ബഷീര്‍ ചീക്കോന്ന്, സി കെ സുബൈര്‍ എന്നിവര്‍ സംസാരിച്ചു.

Next Story

RELATED STORIES

Share it