ഇടുക്കി ആനയിറങ്കല്‍ ജലാശയത്തില്‍ കുളിക്കാനിറങ്ങിയ രണ്ടുപേര്‍ മുങ്ങി മരിച്ചു
17 July 2021 7:38 PM GMT
ഇടുക്കി: ആനയിറങ്കല്‍ ജലാശയത്തില്‍ കുളിക്കാനിറങ്ങിയ രണ്ടുപേര്‍ മുങ്ങി മരിച്ചു. കര്‍ണാടക സ്വദേശി എച്ച്എംഎല്‍ കമ്പനി ഡോക്ടര്‍ ആഷിഷ് (48), എസ്റ്റേറ്റ് അസിസ്റ്റന്റ് മാനേജര്‍ ഗോകുല്‍ (32) എന്നിവരാണ് മരിച്ചത്. ആഷിഷ് മുങ്ങിത്താഴുന്നത് കണ്ട് രക്ഷിക്കാന്‍ ശ്രമിക്കുന്നതിനിടയില്‍ ഗോകുലും അപകടത്തില്‍പ്പെടുകയായിരുന്നുവെന്നാണ് വിവരം.
ആനയിറങ്കല്‍ അട്ടുപാലത്തിനു സമീപം വൈകീട്ട് ഏഴോടെയായിരുന്നു അപകടം. കൂടെയുണ്ടായിരുന്ന സുഹൃത്തുക്കള്‍ വിവരമറിയിച്ചതിനെ തുടര്‍ന്ന് പ്രദേശവാസികള്‍ സ്ഥലത്തെത്തി ഇരുവരുടെയും മൃതദേഹം കരയ്‌ക്കെത്തിച്ചു. ഇരുവരുടെയും മൃതദേഹം അടിമാലി താലൂക്കാശുപത്രിയിലേക്ക് മാറ്റി. രണ്ടുപേരെ പരിക്കുകളോടെ ആശുപത്രിയില്‍ പ്രവേശിപ്പിച്ചു.
Next Story
