കേരളത്തില് നിന്ന് ആരോഗ്യപ്രവര്ത്തകരെ വെയില്സ് നേരിട്ട് റിക്രൂട്ട് ചെയ്യുന്നു
![കേരളത്തില് നിന്ന് ആരോഗ്യപ്രവര്ത്തകരെ വെയില്സ് നേരിട്ട് റിക്രൂട്ട് ചെയ്യുന്നു കേരളത്തില് നിന്ന് ആരോഗ്യപ്രവര്ത്തകരെ വെയില്സ് നേരിട്ട് റിക്രൂട്ട് ചെയ്യുന്നു](https://www.thejasnews.com/h-upload/2022/10/17/206462-health.jpg)
തിരുവനന്തപുരം: കേരളത്തില് നിന്നും ആരോഗ്യപ്രവര്ത്തകരെ വെയില്സ് നേരിട്ട് റിക്രൂട്ട് ചെയ്യുന്നു. വെയില്സ് പാര്ലമെന്റായ സെനെഡില് വെയില്സ് ആരോഗ്യമന്ത്രി എലുനെഡ് മോര്ഗന് ആണ് ഇക്കാര്യമറിയിച്ചത്. കേരള ആരോഗ്യമന്ത്രി വീണാ ജോര്ജുമായി താന് നടത്തിയ ചര്ച്ചകള് എലുനെഡ് മോര്ഗന് സെനെഡിനെ ധരിപ്പിച്ചു. ഈ ചര്ച്ചകളെ തുടര്ന്നാണ് ആരോഗ്യപ്രവര്ത്തകരെ നേരിട്ട് റിക്രൂട്ട് ചെയ്യാന് തീരുമാനിച്ചതെന്നും സെനഡിനെ അറിയിച്ചു. ആരോഗ്യമന്ത്രി വീണാ ജോര്ജും, വ്യവസായ മന്ത്രി പി രാജീവും നടത്തിയ ചര്ച്ചയ്ക്ക് ശേഷമാണ് സെനെഡില് വെയില്സ് ആരോഗ്യമന്ത്രി ഇക്കാര്യം വ്യക്തമാക്കിയത്.
മുഖ്യമന്ത്രി പിണറായി വിജയന്റെ നിര്ദേശമനുസരിച്ചാണ് ഇരുമന്ത്രിമാരും വെയില്സ് ആരോഗ്യമന്ത്രിയുമായി ചര്ച്ച നടത്തിയത്. ഇന്ത്യാ ഗവര്മെന്റിന്റെ അനുമതിയോടെ കേരളവുമായി സഹകരണമുണ്ടാക്കാന് പോവുകയാണെന്നും അതുവഴി കേരളത്തില് നിന്ന് ആരോഗ്യപ്രവര്ത്തകരെ നേരിട്ട് റിക്രൂട്ട് ചെയ്യാനാവുമെന്നും എലുനെഡ് മോര്ഗന് പറഞ്ഞു. ഇതിലൂടെ യോഗ്യതയുള്ള, ഉയര്ന്ന നിലവാരമുള്ള വിദ്യാര്ഥികളെ നേരിട്ട് ലഭിക്കാനുള്ള വഴിതെളിയും. അവരെ പരിശീലിപ്പിക്കുന്നതിലും അയയ്ക്കുന്നതിലും കേരളം സന്തോഷം അറിയിച്ചിരുന്നു. ആരോഗ്യപ്രവര്ത്തകരെ ഏറ്റെടുക്കുന്നതിന് ചില പദ്ധതികള് നിലവിലുണ്ടെങ്കിലും ഇനിയും മുന്നോട്ടുപോവാനുണ്ടെന്നും എലുനെഡ് മോര്ഗന് പറഞ്ഞു.
RELATED STORIES
നീറ്റ് യുജി പുതുക്കിയ റാങ്ക് പട്ടിക പുറത്തിറക്കി; കണ്ണൂര് സ്വദേശി...
26 July 2024 4:29 PM GMTതളിപ്പറമ്പില് സൂ സഫാരി പാര്ക്ക് വരുന്നു; 256 ഏക്കര് ഭൂമി...
25 July 2024 3:49 PM GMTസംസ്ഥാനത്ത് വീണ്ടും അമീബിക് മസ്തിഷ്ക ജ്വരം സ്ഥിരീകരിച്ചു; കണ്ണൂര്...
25 July 2024 2:50 PM GMTകനത്ത മഴ; കണ്ണൂരില് നാളെ വിദ്യാഭ്യാസ സ്ഥാപനങ്ങള്ക്ക് അവധി
18 July 2024 12:45 PM GMT8 ജില്ലകളില് നാളെ വിദ്യാഭ്യാസ സ്ഥാപനങ്ങള്ക്ക് അവധി; വിശദമായി അറിയാം
16 July 2024 3:48 PM GMTകണ്ണൂരിലും കോഴിക്കോട്ടും റെഡ് അലേര്ട്ട്; കേരളത്തില് അതിതീവ്ര...
16 July 2024 11:30 AM GMT