സിഇടി സ്കൂള് ഓഫ് മാനേജ്മെന്റില് എംബിഎ പ്രവേശനം: ഓണ്ലൈന് രജിസ്ട്രേഷന് ജൂണ് 30 വരെ
തിരുവനന്തപുരം: കോളജ് ഓഫ് എന്ജിനീയറിങ് തിരുവനന്തപുരത്തിന് (CET) കീഴിലുള്ള സ്കൂള് ഓഫ് മാനേജ്മെന്റ് ഇക്കൊല്ലം നടത്തുന്ന ദ്വിവല്സര ഫുള്ടൈം/പാര്ട്ട്ടൈം എംബിഎ പ്രവേശനത്തിന് അപേക്ഷ ഓണ്ലൈനായി ജൂണ് 30 വരെ സമര്പ്പിക്കാം. എപിജെ അബ്ദുല്കലാം ടെക്നോളജിക്കല് യൂനിവേഴ്സിറ്റിയുമായി അഫിലിയേറ്റ് ചെയ്താണ് കോഴ്സ് നടത്തുന്നത്. 50 ശതമാനം മാര്ക്കില് കുറയാതെ അംഗീകൃത സര്വകലാശാലാ ബിരുദമെടുത്തവര്ക്ക് അപേക്ഷിക്കാം.
എസ്ഇബിസി/ഒബിസി വിഭാഗങ്ങളില്പ്പെടുന്നവര്ക്ക് 45 ശതമാനം മാര്ക്കും എസ്സി/എസ്ടി വിഭാഗങ്ങളില്പ്പെടുന്നവര്ക്ക് മിനിമം പാസ്മാര്ക്കും മതി. ഫൈനല് ഡിഗ്രി പരീക്ഷയെഴുതുന്നവര്ക്കും അപേക്ഷിക്കാവുന്നതാണ്. 2021 സപ്തംബര് 30നകം യോഗ്യത തെളിയിച്ചാല് മതി. പ്രാബല്യത്തിലുള്ള ഐഐഎം കാറ്റ്/സി മാറ്റ്/കെമാറ്റ് സ്കോര് ഉണ്ടാകണം. ജോലിയുള്ളവര്ക്കാണ് പാര്ട്ട്ടൈം എംബിഎ പ്രവേശനം. അപേക്ഷ ഓണ്ലൈനായി www.mba.cet.ac.inല് സമര്പ്പിക്കാം.
പ്രോസ്പെക്ടസ് വെബ്സൈറ്റില്നിന്ന് ഡൗണ്ലോഡ് ചെയ്ത് നിര്ദേശാനുസരണം അപേക്ഷിക്കാം. അപേക്ഷാഫീസ് 500 രൂപ. നെഫ്റ്റ്/ആര്ടിജിഎസ് മുഖാന്തരം ഓണ്ലൈനായി ഫീസ് അടക്കാം. ഫുള്ടൈം എംബിഎ പ്രോഗ്രാമില് 120 സീറ്റുകളും പാര്ട്ട്ടൈം എംബിഎയ്ക്ക് 30 സീറ്റുകളുമുണ്ട്. കോഴ്സ് ഫീസ് നിലവില് ഒന്നര ലക്ഷം രൂപയാണ്. ഇത് 1.8 ലക്ഷമായി പരിഷ്കരിച്ചേക്കാം. പഠിച്ചിറങ്ങുന്നവര്ക്ക് കാംപസ് പ്ലേസ്മെന്റ് സഹായം ലഭിക്കും.
RELATED STORIES
ലോക്സഭാ തിരഞ്ഞെടുപ്പ്; പരസ്യ പ്രചാരണത്തിന്റെ അവസാന...
23 April 2024 5:57 AM GMTകള്ളവോട്ടിന് ശ്രമിച്ചാല് കര്ശന നടപടി; മുഖ്യ തിരഞ്ഞെടുപ്പ് ഓഫീസര്...
23 April 2024 5:53 AM GMTകൊവിഡ് വാക്സിന് എന്ന് തെറ്റിദ്ധരിപ്പിച്ച് ഒറ്റയ്ക്ക് താമസിക്കുന്ന...
23 April 2024 5:51 AM GMTതായ്വാനില് ഒറ്റരാത്രിയില് 80ലേറെ ഭൂചലനങ്ങള്
23 April 2024 5:28 AM GMTആഘോഷങ്ങളെ ആര്എസ്എസ് വല്ക്കരിക്കുന്നത് ആപല്ക്കരം: തുളസീധരന്...
22 April 2024 5:02 PM GMTവിവാഹത്തിനു പോയി മടങ്ങിയ മാതാവും മകളും ട്രെയിനിടിച്ച് മരിച്ചു
22 April 2024 3:13 PM GMT