ബിടെക് പരീക്ഷകള്‍ മാറ്റില്ലെന്ന് കേരള സാങ്കേതിക സര്‍വകലാശാല

തിരുവനന്തപുരം: മറ്റെന്നാള്‍ തുടങ്ങുന്ന ബിടെക് പരീക്ഷകള്‍ക്ക് മാറ്റില്ലെന്ന് കേരള സാങ്കേതിക സര്‍വകലാശാല. കൊവിഡ് വര്‍ധിച്ച് വരുന്ന സാഹചര്യത്തില്‍ ബിടെക് പരീക്ഷകള്‍ ഓണ്‍ലൈനായി നടത്തുന്നതാണ് ഉചിതമെന്ന എഐസിടിഇയുടെ കത്ത് പുറത്ത് വന്നിരുന്നു. എന്നാല്‍ ഈ കത്ത് ഒരു സൂചനമാത്രമാണെന്നും ബിടെക് പരീക്ഷകളുടെ നടപടിക്രമങ്ങള്‍ നേരത്തെ തുടങ്ങിയതാണെന്നും സര്‍വകലാശാല അധികൃതര്‍ പറഞ്ഞു. അതു കൊണ്ട് പരീക്ഷകള്‍ ഓഫ് ലൈനായി തന്നെ നടത്തുമെന്നും സര്‍വകലാശാല വൃത്തങ്ങള്‍ അറിയിച്ചു.

എന്നാല്‍, കത്തു പുറത്ത് വന്ന പശ്ചാത്തലത്തില്‍ വിശദമായ വാര്‍ത്താക്കുറുപ്പ് സര്‍വകലാശാല അധകൃതര്‍ പുറത്തിറക്കിയേക്കും.