കൊവിഡ് വാക്സിന്റെ ക്ലിനിക്കല് ട്രയല് ഫലം രണ്ടാഴ്ച്ചക്കകം അറിയും; പ്രതീക്ഷയോടെ ലോകം
കൊവിഡിനെതിരെ എപ്പോള് വാക്സിന് കണ്ടെത്തും എന്ന കാര്യത്തില് പ്രവചനം നടത്തുന്നത് ബുദ്ധിശൂന്യമായ പ്രവര്ത്തിയാണെന്നായിരുന്നു ലോകാരോഗ്യ സംഘടന എമര്ജന്സി പ്രോഗ്രാം മേധാവി മൈക്ക് റയാന്റെ അഭിപ്രായം.
ജനീവ: കൊറോണ വൈറസിനെതിരായ വാക്സിന്റെ ക്ലിനിക്കല് ട്രയല് ഫലം രണ്ടാഴ്ച്ചക്കകം അറിയുമെന്ന് ലോകാരോഗ്യ സംഘടന ഡയറക്ടര് ജനറല് ടെഡ്രോസ് അഥനോം. 398 രാജ്യങ്ങളില് നിന്നായി 5500 രോഗികളില് സോളിഡാരിറ്റി ട്രയല് നടന്നു വരുന്നതായും അദ്ദേഹം അറിയിച്ചു. ലോകാരോഗ്യ സംഘടനയും മരുന്ന് ഗവേഷകരും ചേര്ന്ന് കൊവിഡ് മരുന്നുകളുടെ പരീക്ഷണത്തിനായി രൂപപ്പെടുത്തിയ സംവിധാനമാണ് സോളിഡാരിറ്റി ട്രയല്.
സോളിഡാരിറ്റി ട്രയലിന്റെ ഭാഗമായി അഞ്ച് ചികിത്സാ രീതികളെയാണ് നിരീക്ഷണ വിധേയമാക്കുന്നത്. സ്റ്റാന്ഡേര്ഡ് കെയര്, റെംഡിസിവര്, ട്രംപ് നിര്ദ്ദേശിച്ച മലേറിയ പ്രതിരോധ മരുന്നായ ഹൈഡ്രോക്സി ക്ലോറോക്വിന്, എച്ച് ഐ വി ചികിത്സയ്ക്കായി ഉപയോഗിക്കുന്ന ലോപിനാവിര്, റിറ്റോണാവിര്, ശരീരത്തിലെ പ്രോട്ടീനുകളുമായി സംയോജിച്ചുള്ള ലോപിനാവിര്, റിറ്റോണാവിര് എന്നിവയുടെ പ്രവര്ത്തനം എന്നീ ചികിത്സാ രീതികളാണ് പരീക്ഷണത്തിനായി തെരഞ്ഞെടുത്തിരിക്കുന്നത്.
മലേറിയ മരുന്നായ ഹൈഡ്രോക്സി ക്ലോറോക്വിന് പരിശോധന മാസങ്ങള്ക്ക് മുമ്പ് നിര്ത്തിവച്ചിരുന്നു. ഈ മരുന്ന് ഉപയോഗിക്കുന്നതിലൂടെ പ്രത്യേകിച്ച് ഗുണമൊന്നുമില്ലെന്നും മാത്രമല്ല ചില പ്രത്യാഘാതങ്ങള്ക്ക് സാധ്യതയുണ്ടെന്നും കണ്ടെത്തിയതിനെ തുടര്ന്നാണ് നിര്ത്തി വച്ചത്. കൊവിഡ് രോഗികള്ക്ക് ഈ മരുന്ന് നല്കാന് കഴിയുമോ എന്ന കാര്യത്തില് പരീക്ഷണങ്ങള് തുടര്ന്നു കൊണ്ടിരിക്കുകയാണ്.
അതേസമയം, കൊവിഡിനെതിരെ എപ്പോള് വാക്സിന് കണ്ടെത്തും എന്ന കാര്യത്തില് പ്രവചനം നടത്തുന്നത് ബുദ്ധിശൂന്യമായ പ്രവര്ത്തിയാണെന്നായിരുന്നു ലോകാരോഗ്യ സംഘടന എമര്ജന്സി പ്രോഗ്രാം മേധാവി മൈക്ക് റയാന്റെ അഭിപ്രായം.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT