സയ്യിദ് സ്വലാഹുദ്ധീന് വധം: നാല് ആര്എസ്എസ്സുകാര് കൂടി അറസ്റ്റില്
ഇതോടെ കേസില് അറസ്റ്റിലായവരുടെ എണ്ണം ഒമ്പതായി
കണ്ണൂര്: കണ്ണൂര് ചിറ്റാരിപ്പറമ്പില് എസ്ഡിപിഐ പ്രവര്ത്തകനെ വെട്ടിക്കൊലപ്പെടുത്തിയ കേസില് നാല് ആര്എസ്എസ് പ്രവര്ത്തകര് കൂടി അറസ്റ്റില്. കണ്ണവം സ്വദേശി അശ്വിന്, കോളയാട് സ്വദേശി രാഹുല്, ചെണ്ടയാട് സ്വദേശി മിഥുന്, മൊകേരി സ്വദേശി യാദവ് എന്നിവരെയാണ് അന്വേഷണസംഘം പിടികൂടിയത്. നാലുപേരും കൊലപാതകത്തില് നേരിട്ട് പങ്കെടുത്തവരാണെന്നാണ് പോലിസ് അനുമാനം. സംഭവത്തിന്റെ അന്നത്തെ ദിവസം രാത്രി തന്നെ രണ്ട് പ്രതികളെ കസ്റ്റഡിയില് എടുത്തിരുന്നു. അവരെ പിന്നീട് അറസ്റ്റ് രേഖപെടുത്തി. ദിവസങ്ങള്ക്ക് ശേഷം വേറെ മൂന്ന് പ്രതികളെയും അറസ്റ്റ് ചെയ്തു. ഇതോടെ കേസില് അറസ്റ്റിലായവരുടെ എണ്ണം ഒമ്പതായി
സെപ്തംബര് 8നാണ് കണ്ണവത്തിനു സമീപം ചിറ്റാരിപ്പറമ്പിനടുത്ത് ചൂണ്ടയില്വച്ചാണ് കുടുംബത്തിന്റെ കണ്മുന്നിലിട്ട് എസ്ഡിപിഐ പ്രവര്ത്തകന് സെയ്യിദ് മുഹമ്മദ് സ്വലാഹുദ്ധീനെ ആര്എസ്എസ് സംഘം വെട്ടിക്കൊലപ്പെടുത്തിയത്. രണ്ടുസഹോദരിമാര്ക്കൊപ്പം വീട്ടിലേക്കുള്ള സാധനങ്ങള് വാങ്ങി കാറില് വരുന്നതിനിടെയാണ് ആസൂത്രിത കൊലപാതകം അരങ്ങേറിയത്. സ്വലാഹുദ്ദീനും കുടുംബവും സഞ്ചരിച്ച കാറിനു പിന്നില് ബൈക്കിലെത്തിയ രണ്ടുപേര് ഇടിക്കുകയായിരുന്നു. അപകടം പറ്റിയതറിഞ്ഞ് വാഹനം സൈഡില് നിര്ത്തി പോലിസിനെ വിളിച്ചെങ്കിലും ആരുമെത്തിയില്ല. തൊട്ടുപിന്നാലെ ബൈക്കിലെത്തിയ അക്രമിസംഘം തലയ്ക്കും മറ്റും വെട്ടിപ്പരിക്കേല്പ്പിക്കുകയായിരുന്നു. തടയാന് ശ്രമിച്ച സഹോദരിമാരെ ബോംബും ആയുധങ്ങളും കാട്ടി ഭീഷണിപ്പെടുത്തിയ സംഘം സഹോദരി റാഹിദയെ വടിവാള്കൊണ്ട് വയറ്റിലും നെഞ്ചത്തും കൈക്കും മറ്റും കുത്തിപ്പരിക്കേല്പ്പിക്കുകയും ചെയ്തു. സയ്യിദ് ഹാമിദ് യാസീന് തങ്ങളുടെ രണ്ടാമത്തെ മകനാണ് സ്വലാഹുദ്ധീന്.
RELATED STORIES
അമിത് ഷാ ഗുണ്ടയും റൗഡിയുമാണെന്ന് യതീന്ദ്ര സിദ്ധരാമയ്യ
29 March 2024 7:14 AM GMTകെജ് രിവാളിന്റെ അറസ്റ്റില് പ്രതികരണവുമായി യു എന്; രാഷ്ട്രീയ...
29 March 2024 6:32 AM GMTപേരാമ്പ്ര അനു കൊലപാതകം; പ്രതി മുജീബ് റഹ്മാന്റെ ഭാര്യ റൗഫീന അറസ്റ്റില്
29 March 2024 6:25 AM GMTഎയര് ഇന്ത്യ അഴിമതിക്കേസില് പ്രഫുല് പട്ടേലിന് ക്ലീന് ചിറ്റ് നല്കി...
29 March 2024 6:22 AM GMTപാസഞ്ചര് ടാക്സി 300 അടി താഴ്ചയിലേക്ക് വീണ് 10 മരണം; സംഭവം ജമ്മു...
29 March 2024 6:18 AM GMTഅരലക്ഷം കടന്ന് സ്വര്ണവില കുതിക്കുന്നു; പവന് 50,400 രൂപ
29 March 2024 6:17 AM GMT