സിഎഎ-എന്‍ആര്‍സി, ശബരിമല കേസുകള്‍ പിന്‍വലിക്കാന്‍ മന്ത്രിസഭാ തീരുമാനം

തിരുവനന്തപുരം: സിഎഎ-എന്‍ആര്‍സി പൗരത്വസമര കേസുകളും ശബരിമല സ്ത്രീപ്രവേശനവുമായി ബന്ധപ്പെട്ട കേസുകളും പിന്‍വലിക്കാന്‍ സംസ്ഥാന മന്ത്രിസഭ യോഗം തീരുമാനിച്ചു. ഗുരുതര സ്വഭാവമില്ലാത്ത കേസുകളാണ് പന്‍വലിക്കാന്‍ ഇന്ന് ചേര്‍ന്ന മന്ത്രിസഭയോഗം തീരുമാനിച്ചത്. പൗരത്വ സമരങ്ങളുമായി ബന്ധപ്പെട്ട കേസുകളും ശബരിമല സ്ത്രീ പ്രവേശനവുമായി ബന്ധപ്പെട്ട കോടതി വിധിയുടെ പശ്ചാത്തലത്തില്‍ നടന്ന കേസുകളാണ് പിന്‍വലിക്കാന്‍ സര്‍ക്കാര്‍ തീരുമാനിച്ചു.

സിഎഎ-എന്‍ആര്‍സി പൗരത്വ സമരവുമായി ബന്ധപ്പെട്ട കേസുകള്‍ പിന്‍വലിക്കണമെന്ന് വിവിധ കക്ഷികള്‍ നേരത്തെ ആവിശ്യപ്പെട്ടിരുന്നു.

ശബരിമല കേസുകള്‍ പിന്‍വലിക്കണമെന്ന് എന്‍എസ്എസും ബിജെപിയും ആവശ്യമുയര്‍ത്തിയിരുന്നു. തമിഴ്‌നാട് സര്‍ക്കാര്‍ കഴിഞ്ഞയാഴ്ച പൗരത്വഭേദഗതി നിയമവുമായി ബന്ധപ്പെട്ട കേസുകള്‍ പിന്‍വലിച്ചിരുന്നു. ഈ പശ്ചാത്തലത്തിലും നിയമസഭ തിരഞ്ഞെടുപ്പ് മുന്നില്‍കണ്ടുമാണ് ഇപ്പോള്‍ ഗുരുതരമല്ലാത്ത കേസുകള്‍ പിന്‍വലിക്കാന്‍ മന്ത്രിസഭായോഗം തീരുമാനിച്ചത്.