സന്ദര്ശന വിസാ നിരക്ക് കുത്തനെ കുറച്ച് സൗദി; ഒരു വര്ഷത്തെ മള്ട്ടിപ്പിള് എന്ട്രി വിസിറ്റ് വിസക്ക് 300 റിയാല്
ഹജ്, ഉംറ, ടൂറിസ്റ്റ്, ബിസിനസ്, വിസിറ്റ്, ട്രാന്സിറ്റ്, മള്ട്ടിപ്പിള് എന്ട്രി വിസകളുടെ ഫീസ് നിരക്ക് 300 റിയാല് ആക്കിയാണ് അധികൃതര് ഏകീകരിച്ചത്. ഇതിന് മന്ത്രി സഭ അംഗീകാരം നല്കി.
റിയാദ്: വിസാ പുനസംഘടനയുടെ ഭാഗമായി എല്ലായിനം വിസകള്ക്കും ഏകീകൃത ഫീസ് നിരക്ക് നടപ്പാക്കി സൗദി ഭരണകൂടം. ഹജ്, ഉംറ, ടൂറിസ്റ്റ്, ബിസിനസ്, വിസിറ്റ്, ട്രാന്സിറ്റ്, മള്ട്ടിപ്പിള് എന്ട്രി വിസകളുടെ ഫീസ് നിരക്ക് 300 റിയാല് ആക്കിയാണ് അധികൃതര് ഏകീകരിച്ചത്. ഇതിന് മന്ത്രി സഭ അംഗീകാരം നല്കി.
മൂന്ന് മാസം കാലാവധിയുള്ളതാണ് ഒന്നാമത്തെ വിസ. ഇതില് ഓരോ മാസവും പുറത്ത് പോയി മടങ്ങിയെത്തണം. ഒരു വര്ഷം കാലാവധിയുള്ളതാണ് മള്ട്ടിപ്പിള് എന്ട്രി വിസ. ഈ വിസയില് എത്ര തവണയും രാജ്യത്തിന് പുറത്ത് പോയി വരാം. ചുരുങ്ങിയത് മൂന്ന് മാസത്തിന് ശേഷം ഒരു തവണയെങ്കിലും പുറത്ത് പോയി വരണം.
ട്രാന്സിറ്റ് വിസയുടെ കാലാവധി 96 മണിക്കൂറാണ്. ഇതുപയോഗിച്ച് കണക്ഷന് ഫ്ലൈറ്റുകളുപയോഗിക്കുന്നവര്ക്ക് രാജ്യത്ത് 96 മണിക്കൂര് വരെ തങ്ങാനുള്ള അവസരം ലഭിക്കും. ടൂറിസം രംഗത്തെ വന് മുന്നേറ്റം ലക്ഷ്യമിട്ടാണ് വിസ ഫീസ് നിരക്ക് കുത്തനെകുറച്ചത്. ആവര്ത്തിച്ചുള്ള ഉംറക്ക് ഏര്പ്പെടുത്തിയ രണ്ടായിരം റിയാല് ഫീസും കഴിഞ്ഞ ദിവസം ഉപേക്ഷിച്ചിരുന്നു.ഡിസംബറിന് മുമ്പ് എല്ലാ രാജ്യങ്ങള്ക്കും സൗദിയിലേക്ക് ടൂറിസം വിസകള് അനുവദിക്കും.
ആയിരം റിയാലിലേറെ ഫീസ് നിരക്ക് ഉണ്ടായിരുന്നു ഒരു വര്ഷം കാലാവധിയുള്ള മള്ട്ടിപ്പിള് എന്ട്രി വിസക്ക്. ബിസിനസ് വിസകള്ക്കും, ടൂറിസം വിസകള്ക്കുമുള്ള നടപടിക ക്രമങ്ങളും ലളിതമാക്കിയിട്ടുണ്ട്. പ്രത്യേക ഇവന്റുകള്ക്കായി വിസകള് നിലവില് അനുവദിക്കുന്നുണ്ട്. ഇതിന് പുറമേയാണ് ടൂറിസം വിസകള് അനുവദിക്കുക. 51 രാജ്യങ്ങള്ക്ക് ആദ്യ ഘട്ടത്തില് വിസ ലഭിക്കും. ഇതില് ഇന്ത്യയില്ല. എന്നാല് ഡിസംബറോടെ മുഴുവന് രാജ്യങ്ങള്ക്കും ടൂറിസം വിസ അനുവദിക്കുന്നതോടെ സൗദിയിലേക്കുള്ള യാത്ര എളുപ്പമാകും. ബന്ധുക്കളെ സന്ദര്ശിക്കാനെത്തുന്നവര്ക്ക് വിസ നിരക്ക് കുറച്ച നടപടി ഗുണമാകും. ഫാമിലി വിസ ലഭിക്കാത്തവര്ക്കും പുതിയ തീരുമാനം നേട്ടമാകും.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT