പാലക്കാട് ആര്‍എസ്എസ് നേതാവ് വെട്ടേറ്റ് മരിച്ചു
16 April 2022 8:36 AM GMT
പാലക്കാട്:പാലക്കാട് ആര്‍എസ്എസ് നേതാവ് വെട്ടേറ്റു മരിച്ചു. ആര്‍എസ്എസ് മുന്‍ ശാരീരിക് ശിക്ഷക് പ്രമുഖ് എസ് കെ ശ്രീനിവാസനാണ് മരിച്ചത്.വെട്ടേറ്റ ശ്രീനിവാസനെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.
പാലക്കാട് മേലാമുറിയില്‍ വെച്ചാണ് സംഭവം. ധനകാര്യ സ്ഥാപനം നടത്തുകയായിരുന്നു ശ്രീനിവാസന്.ബൈക്കിലെത്തിയ അക്രമിസംഘമാണ് വെട്ടിയതെന്ന് ദൃക്‌സാക്ഷികള്‍ പറഞ്ഞു. കൈക്കും കാലിനും തലയുടെ ഭാഗത്തും മാരകമായ മുറവുകള്‍ ഉണ്ടായുരുന്നതായി ശ്രീനിവാസന് ഒപ്പമുണ്ടായിരുന്നവര്‍ പറഞ്ഞു.
പാലക്കാട്ടെ എസ് കെ ഓട്ടോസ് എന്ന സ്ഥാപനം നടത്തുന്ന ആളാണ് ശ്രീനിവാസന്. കടയുടെ ഉള്ളില്‍ ഇരിക്കുകയായിരുന്ന ശ്രീനിവാസനെ ബൈക്കിലെത്തിയ അഞ്ചംഗ സംഘമാണ് ആക്രമിച്ചെതെന്ന് ദൃക്‌സാക്ഷി പറഞ്ഞു.
Next Story
