മഹാരാഷ്ട്രയില്‍ ട്രക്കും കാറും കൂട്ടിയിടിച്ചു; ഒരു കുട്ടിയുള്‍പ്പെടെ ഒമ്പത് മരണം

മുംബൈ: മഹാരാഷ്ട്രയിലെ റായ്ഗഢ് ജില്ലയിലെ റെപോളിയില്‍ ട്രക്കും കാറും കൂട്ടിയിടിച്ചുണ്ടായ അപകടത്തില്‍ ഒരു കുട്ടിയുള്‍പ്പെടെ ഒമ്പതുപേര്‍ മരിച്ചു. മുംബൈ-ഗോവ ഹൈവേയില്‍ പുലര്‍ച്ചെ അഞ്ചിനാണ് അപകടമുണ്ടായത്. ബന്ധുവിന്റെ മരണത്തില്‍ പങ്കെടുത്ത് മടങ്ങിയവരാണ് അപകടത്തില്‍പ്പെട്ടത്. മരിച്ചവരില്‍ അഞ്ച് പുരുഷന്‍മാരും മൂന്നുസ്ത്രീകളും ഒരുകുട്ടിയും ഉള്‍പ്പെടുന്നു.

Maharashtra | Visuals from Goa-Mumbai highway in Repoli area in Raigad where a car accident left nine people, including a child, dead and another child injured. pic.twitter.com/oaH1qKyW83

— ANI (@ANI) January 19, 2023

സംഭവത്തില്‍ നാലുവയസുള്ള ഒരുപെണ്‍കുട്ടി മാത്രമാണ് രക്ഷപ്പെട്ടത്. കുട്ടിയെ സമീപത്തുള്ള ആശുപത്രിയില്‍ പ്രവേശിപ്പിച്ചതായി റായ്ഗഡ് പോലിസ് പറഞ്ഞു. ട്രക്ക് മുംബൈയിലേക്ക് പോവുകയായിരുന്നു. രത്‌നഗിരി ജില്ലയിലെ ഗുഹാഗറിലേക്ക് പോവുകയായിരുന്നു കാര്‍. ഇടിയുടെ ആഘാതത്തില്‍ കാര്‍ പൂര്‍ണമായും തകര്‍ന്നു. ഹൈവേയില്‍ ഗതാഗതം പുനരാരംഭിച്ചതായും സംഭവത്തെക്കുറിച്ച് അന്വേഷിക്കുകയാണെന്നും പോലിസ് അറിയിച്ചു.