കൂടത്തായി കേസ് വെല്ലുവിളി നിറഞ്ഞത്; കൂടുതല് ഉദ്യോഗസ്ഥരെ നിയോഗിക്കുമെന്നും ഡിജിപി
രാവിലെ പൊന്നാമറ്റം വീട്ടില് നേരിട്ടെത്തി പരിശോധന നടത്തിയ ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
കോഴിക്കോട്: കൂടത്തായിയിലെ കൊലപാതക പരമ്പരയുടെ കേസന്വേഷണം വലിയ വെല്ലുവിളിയാണെന്ന് ഡിജിപി ലോക്നാഥ് ബെഹ്റ. വിദഗ്ധരുടെ പങ്കാളിത്തം കേസില് ആവശ്യമായതിനാല് കൂടുതല് മിടുക്കരായ ഉദ്യോഗസ്ഥരെ കേസന്വേഷണത്തിന് നിയോഗിക്കും. രാവിലെ പൊന്നാമറ്റം വീട്ടില് നേരിട്ടെത്തി പരിശോധന നടത്തിയ ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
വര്ഷങ്ങള് നീണ്ട കൊലപാതകപരമ്പരയില് തെളിവ് ശേഖരണമാകും കേരളാ പോലിസിന് മുന്നില് വലിയ വെല്ലുവിളിയാകുകയെന്നും ബെഹ്റ വ്യക്തമാക്കി.വിഷാംശത്തിന്റെ വിശദാംശങ്ങള് ശാസ്ത്രീയ പരിശോധനയില് കണ്ടെത്തുമെന്നാണ് പ്രതീക്ഷ. ആവശ്യമെങ്കില് സാംപിളുകള് വിദേശത്തേയ്ക്കും അയക്കുമെന്നും ആവര്ത്തിച്ചു. ഏറ്റവും മിടുക്കരായ ഫൊറന്സിക് വിദഗ്ധരെക്കൊണ്ടാണ് സാംപിളുകള് പരിശോധിപ്പിക്കുന്നത്.
ആറ് കൊലപാതകങ്ങളും ആറ് കേസുകളായിത്തന്നെ അന്വേഷിക്കും. ഓരോ കേസും അന്വേഷിച്ച് കൃത്യമായ തെളിവുകള് ശേഖരിക്കേണ്ടതുണ്ട്.17 വര്ഷങ്ങള് മുമ്പാണ് ആദ്യ കൊല നടന്നത്. അവസാന കൊലപാതകം 2016ലും. കേസില് ദൃക്സാക്ഷികളില്ല. സാഹചര്യത്തെളിവുകളും ശാസ്ത്രീയ തെളിവുകളും കൃത്യമായി കോര്ത്തെടുത്ത് കേസില് കുറ്റപത്രം തയ്യാറാക്കണം. ആറ് കേസുകള്ക്കും ആറ് ടീമുകളുണ്ട്. അതിന് മേല്നോട്ടം വഹിക്കാന് മറ്റൊരു ടീമും വേണം. അതിനാല് നിലവിലുള്ള എണ്ണം മതിയാകില്ല. അതിനാല്, കൂടുതല് അംഗങ്ങളെ, അതും മിടുക്കരായ ഉദ്യോഗസ്ഥരെ നിയോഗിക്കുമെന്നും അദ്ദേഹം മാധ്യമങ്ങളോട് പറഞ്ഞു.
RELATED STORIES
അമിത് ഷാ ഗുണ്ടയും റൗഡിയുമാണെന്ന് യതീന്ദ്ര സിദ്ധരാമയ്യ
29 March 2024 7:14 AM GMTപേരാമ്പ്ര അനു കൊലപാതകം; പ്രതി മുജീബ് റഹ്മാന്റെ ഭാര്യ റൗഫീന അറസ്റ്റില്
29 March 2024 6:25 AM GMTഎയര് ഇന്ത്യ അഴിമതിക്കേസില് പ്രഫുല് പട്ടേലിന് ക്ലീന് ചിറ്റ് നല്കി...
29 March 2024 6:22 AM GMTപാസഞ്ചര് ടാക്സി 300 അടി താഴ്ചയിലേക്ക് വീണ് 10 മരണം; സംഭവം ജമ്മു...
29 March 2024 6:18 AM GMTഅരലക്ഷം കടന്ന് സ്വര്ണവില കുതിക്കുന്നു; പവന് 50,400 രൂപ
29 March 2024 6:17 AM GMT'ഭയത്തോട് കൂടി ഒരു മനുഷ്യനെങ്കിലും രാജ്യത്ത് ജീവിക്കുകയാണെങ്കിൽ അത്...
29 March 2024 6:12 AM GMT