വിദ്വേഷ പ്രസ്താവന: പി സി ജോര്ജിനെതിരേ പോലിസില് പരാതി
ഈരാറ്റുപേട്ട പേട്ടയിലെ മുസ്ലിം ഹോട്ടലുകളില് നിന്ന് ഭക്ഷണം കഴിക്കാന് കൊള്ളില്ലെന്നും മൂന്നുപ്രാവശ്യം തുപ്പിയിട്ടാണ് അവര് ഭക്ഷണം പാകം ചെയ്യുന്നതെന്നും മറ്റു മതസ്ഥരായ ആള്ക്കാര് അവിടെ നിന്നും ഭക്ഷണം കഴിച്ചാല് തുപ്പല് കൊണ്ട് പാകം ചെയ്ത ഭക്ഷണം കഴിക്കേണ്ടിവരുമെന്നുമാണ് ജോര്ജ്ജ് നടത്തിയ പ്രസ്ഥാവനയില് പറഞ്ഞത്
ഈരാറ്റുപേട്ട: മതസൗഹാര്ദവും സാഹോദര്യവും തകര്ത്ത് നാട്ടില് കുഴപ്പം സൃഷ്ടിക്കാന് ശ്രമം നടത്തുന്ന മുന് എംഎല്എ പി .സി ജോര്ജ്ജിന്റെ വര്ഗീയ പരാമര്ശങ്ങള്ക്കെതിരേ കേസെടുക്കണമെന്നാവശ്യപെട്ട് ഈരാറ്റുപേട്ട പോലിസില് പരാതി. പൗരാവകാശ സംരക്ഷണ സമിതി കോട്ടയം ജില്ലാ ചെയര്മാന് അബ്ദുല് നാസര് മൗലവിയാണ് പരാതി നല്കിയത്. കഴിഞ്ഞ 19 നാണ് ഓണ്ലൈന് യൂറ്റുബ് ചാലനായ ഷെകീന ന്യൂസിന് നല്കിയ അഭിമുഖത്തില് മുസ്ലിം സമുദായത്തെ അടച്ചാക്ഷേപിക്കുന്ന നിലയില് ജോര്ജ്ജ് വിവാദ പ്രസ്ഥാവന നടത്തിയത്. ഈരാറ്റുപേട്ട പേട്ടയിലെ മുസ്ലിം ഹോട്ടലുകളില് നിന്ന് ഭക്ഷണം കഴിക്കാന് കൊള്ളില്ലെന്നും മൂന്നുപ്രാവശ്യം തുപ്പിയിട്ടാണ് അവര് ഭക്ഷണം പാകം ചെയ്യുന്നതെന്നും മറ്റു മതസ്ഥരായ ആള്ക്കാര് അവിടെ നിന്നും ഭക്ഷണം കഴിച്ചാല് തുപ്പല് കൊണ്ട് പാകം ചെയ്ത ഭക്ഷണം കഴിക്കേണ്ടിവരുമെന്നുമാണ് ജോര്ജ്ജ് നടത്തിയ പ്രസ്ഥാവനയില് പറഞ്ഞത്. നാടിന്റെ സമാധാന അന്തരീക്ഷം തകര്ക്കുന്ന ഇത്തരം പ്രസ്താവനകള്ക്കെതിരെ മതവിദ്വേഷവകുപ്പുകള് ചുമത്തി കേസെടുക്കണമെന്നും പരാതിയില് പറയുന്നു. പൗരാവകാശ സംരക്ഷണ സമിതി ചെയര്മാന് അബ്ദുല് നാസര് മൗലവി, കേരള ജമാഅത്ത് ഫെഡറേഷന് സംസ്ഥാന വൈസ് പ്രസിഡന്റ് പി ഇ മുഹമ്മദ് സക്കീര്, അബ്ദുല് നാസര് മൗലവി വെച്ചുച്ചിറ ,അയ്യൂബ്ഖാന് കുട്ടിക്കല് എന്നിവരും പരാതിക്കാരനോടൊപ്പം ഉണ്ടായിരുന്നു.
RELATED STORIES
കണ്ണൂരിൽ ബോംബ് സ്ഫോടനത്തിൽ പരിക്കേറ്റ സിപിഎം പ്രവര്ത്തകൻ മരിച്ചു;...
5 April 2024 8:53 AM GMTറിയാസ് മൗലവി കൊലക്കേസ്: ആര്എസ്എസ്സുകാരായ മൂന്ന് പ്രതികളെയും കോടതി...
30 March 2024 6:06 AM GMTഒമ്പത് പോപുലര് ഫ്രണ്ട് മുന് പ്രവര്ത്തകര്ക്ക് ജാമ്യം; എന്ഐഎയ്ക്ക്...
21 March 2024 6:30 AM GMTഭരണഘടനയെ അട്ടിമറിക്കുന്ന മോദി സര്ക്കാരിനെ താഴെയിറക്കുക: പി അബ്ദുല്...
20 March 2024 6:27 PM GMTതമിഴ്നാട്ടില് എസ് ഡിപി ഐ-എഐഎഡിഎംകെ സഖ്യം; ദിണ്ടിഗല് മണ്ഡലത്തില്...
20 March 2024 5:51 PM GMTദേശീയ പ്രസിഡന്റ് എം കെ ഫൈസിയുടെ വസതിയില് നടന്ന ഇഡി റെയ്ഡ് പ്രതികാര...
28 Feb 2024 1:36 PM GMT