കൊവിഡ് ഭീതി ഒഴിയാതെ ഇന്ത്യ; മരണം പതിനൊന്നായിരം കടന്നു, 24 മണിക്കൂറിനിടെ രാജ്യത്ത് 2003 മരണം
മരണസംഖ്യ 9000ത്തില്നിന്ന് 11000 കടന്നത് മൂന്നു ദിവസം കൊണ്ടാണെന്ന് രാജ്യത്തെ ആശങ്കയിലാഴ്ത്തുന്നുണ്ട്.
ന്യൂഡല്ഹി: ചൈനീസ് നഗരമായ വുഹാനില് ഉത്ഭവിച്ച കൊറോണ വൈറസ് ഇന്ത്യയിലും ഭീതിജനകമാംവിധം പടര്ന്നുപിടിക്കുന്നു. രാജ്യത്ത് ഇതുവരെ വൈറസ് ബാധിച്ച് മരിച്ചവരുടെ എണ്ണം 11903 ആയി. 24 മണിക്കൂറിനിടെ 2003 മരണമാണ് വിവിധ സംസ്ഥാനങ്ങളിലായി റിപോര്ട്ട് ചെയ്തിട്ടുള്ളത്. മരണസംഖ്യ 9000ത്തില്നിന്ന് 11000 കടന്നത് മൂന്നു ദിവസം കൊണ്ടാണെന്ന് രാജ്യത്തെ ആശങ്കയിലാഴ്ത്തുന്നുണ്ട്.
അതേസമയം, മരണനിരക്കിലുണ്ടായ ഈ കുതിച്ചുകയറ്റം നേരത്തെ രേഖപ്പെടുത്താതെ പോയ മരണങ്ങള് കൂട്ടിച്ചേര്ത്തത് മൂലമാണെന്ന് ആരോഗ്യ മന്ത്രാലയം അറിയിച്ചു. മഹാരാഷ്ട്രയില് കണക്കില്പ്പെടാതിരുന്ന 1328 മരണങ്ങളടക്കം ഇന്നലത്തെ കണക്കില് ഉള്പ്പെടുത്തിയിട്ടുണ്ട്. ഈ കണക്കുകളുടെ അടിസ്ഥാനത്തില് ലോകത്ത് കഴിഞ്ഞ 24 മണിക്കൂറില് ഏറ്റവും കൂടുതല് മരണം റിപ്പോര്ട്ട് ചെയ്തത് ഇന്ത്യയിലായി.
10974 പേര്ക്ക് പുതുതായി രോഗം സ്ഥിരീകരിക്കുകയും ചെയ്തു. ഇതോടെ രാജ്യത്തെ ആകെ കോവിഡ് ബാധിതരുടെ എണ്ണം 354065 ആയി. ഇതില് 155227 പേരാണ് നിലവില് ചികിത്സയിലുള്ളത്. 186935 പേര് ഇതിനോടകം രോഗമുക്തി നേടുകയും ചെയ്തു. പുതുതായി രേഖപ്പെടുത്തിയ മരണങ്ങളടക്കം മഹാരാഷ്ട്രയില് കോവിഡ് മരണങ്ങള് 5537 ആയി. 1,33,445 പേര്ക്ക് രോഗം സ്ഥിരീക്കുകയും ചെയ്തു. ഡല്ഹിയില് 1837 മരണമാണ് ഉണ്ടായിട്ടുള്ളത്. 44688 പേര്ക്ക് രോഗം കണ്ടെത്തിയിട്ടുണ്ട്. 24577 പേര്ക്ക് രോഗം സ്ഥിരീകരിച്ച ഗുജറാത്തില് 1533 മരണവും 48019 രോഗികളുള്ള തമിഴ്നാട്ടില് 528 മരണവും റിപ്പോര്ട്ട് ചെയ്തു.
RELATED STORIES
പ്രതിപക്ഷവും വലതുപക്ഷ മാധ്യമങ്ങളും കേന്ദ്രസര്ക്കാരിന്റെ സഹായത്തോടെ...
6 May 2024 3:32 PM GMTതിരക്കഥാകൃത്തും സംവിധായകനുമായ ഹരികുമാര് അന്തരിച്ചു
6 May 2024 3:15 PM GMTആലുവയിലെ വീട്ടിൽനിന്ന് നാല് തോക്കുകളും വെടിയുണ്ടകളും പിടിച്ചെടുത്തു;...
6 May 2024 11:39 AM GMTലൈംഗിക അതിക്രമ പരാതി: ബംഗാൾ ഗവര്ണറെ അനുകൂലിച്ച് ബംഗാളിലെ സിപിഎം...
6 May 2024 11:36 AM GMTഉംറ നിര്വഹിക്കുന്നതിനിടെ കണ്ണൂര് സ്വദേശിനിയായ യുവതി മക്കയില്...
6 May 2024 10:08 AM GMTമദ്യനയ അഴിമതിക്കേസ്:ബിആര്എസ് നേതാവ് കെ കവിതക്ക് ജാമ്യമില്ല
6 May 2024 8:57 AM GMT