ഒരു രാജ്യം ഒരു ഭാഷ; ഹിന്ദി വാദവുമായി അമിത് ഷാ; അംഗീകരിക്കില്ലെന്ന് സ്റ്റാലിനും സിദ്ധരാമയ്യയും
അധികാരത്തില് എത്തിയത് മുതല് ഹിന്ദി അടിച്ചേല്പ്പിക്കാന് ബിജെപി ശ്രമിച്ചുവരികയാണെന്ന് സ്റ്റാലിന് പറഞ്ഞു. സംസ്കാരവൈവിധ്യത്തെ അംഗീകരിക്കാന് സര്ക്കാര് തയ്യാറാവുകയാണ് വേണ്ടതെന്നും അദ്ദേഹം അഭിപ്രായപ്പെട്ടു.
ന്യൂഡല്ഹി: ഒരു രാജ്യം ഒരു ഭാഷ എന്ന വാദവുമായി കേന്ദ്ര ആഭ്യന്തരമന്ത്രി അമിത് ഷാ രംഗത്ത്. രാജ്യത്തെ ഒന്നായി നിലനിര്ത്താന് ഹിന്ദി ഭാഷയ്ക്ക് സാധിക്കുമെന്നും മാതൃഭാഷയ്ക്കൊപ്പം ഹിന്ദി ഉപയോഗിക്കുന്നത് വര്ധിപ്പിക്കണമെന്നും അമിത് ഷാ ആവശ്യപ്പെട്ടു. ഹിന്ദി ദിവസിനോട് അനുബന്ധിച്ച് ട്വറ്ററിലൂടെ ആയിരുന്നു അമിത് ഷായുടെ പരാമര്ശം.രാജ്യത്തെ ഒരുമിപ്പിക്കുന്ന ഒരു ഭാഷ ഉണ്ടാകേണ്ടത് പ്രധാനമാണ്. ജനങ്ങള് വ്യാപകമായി സംസാരിക്കുന്ന ഹിന്ദി ഭാഷയ്ക്ക് അതിന് സാധിക്കുമെന്നും ഷാ പറഞ്ഞു.
അതേസമയം, അമിത്ഷായുടെ വാദം തള്ളി ഡിഎംകെ അധ്യക്ഷന് എം കെ സ്റ്റാലിനും കോണ്ഗ്രസ് നേതാവ് സിദ്ധരാമയ്യയും രംഗത്തെത്തി. ഒരു രാജ്യം ഒരു ഭാഷ എന്ന പ്രസ്താവന അമിത് ഷാ പിന്വലിക്കണമെന്ന് ഡിഎംകെ അധ്യക്ഷന് എം കെ സ്റ്റാലിന് ആവശ്യപ്പെട്ടു. പ്രദേശിക ഭാഷകളെ ഇല്ലാതാക്കുകയാണോ കേന്ദ്രസര്ക്കാരിന്റെ ലക്ഷ്യമെന്നും സ്റ്റാലിന് ചോദിച്ചു.
അധികാരത്തില് എത്തിയത് മുതല് ഹിന്ദി അടിച്ചേല്പ്പിക്കാന് ബിജെപി ശ്രമിച്ചുവരികയാണെന്ന് സ്റ്റാലിന് പറഞ്ഞു. സംസ്കാരവൈവിധ്യത്തെ അംഗീകരിക്കാന് സര്ക്കാര് തയ്യാറാവുകയാണ് വേണ്ടതെന്നും അദ്ദേഹം അഭിപ്രായപ്പെട്ടു.
ഹിന്ദി അടിച്ചേല്പ്പിക്കാനുള്ള കേന്ദ്രസര്ക്കാര് നീക്കം അംഗീകരിക്കാനാവില്ലെന്ന് കോണ്ഗ്രസ് നേതാവ് സിദ്ധരാമയ്യ അഭിപ്രായപ്പെട്ടു. കന്നഡയും തമിഴും പോലെ ഒരു ഭാഷ മാത്രമാണ് ഹിന്ദി. ഹിന്ദി ദിനാചരണത്തെ എതിര്ക്കുന്നതായും അദ്ദേഹം പറഞ്ഞു. ഹിന്ദി ഔദ്യോഗിക ഭാഷയാണെന്ന് ഏത് ഭരണഘടനയിലാണ് പറഞ്ഞിട്ടുള്ളതെന്ന് ജെഡിഎസ് നേതാവ് എച്ച് ഡി കുമാരസ്വാമി പ്രതികരിച്ചു.
2019ലെ കരട് വിദ്യഭ്യാസ നയത്തില് ഹിന്ദി ഭാഷാ പഠനം നിര്ബന്ധമാക്കാനുള്ള ആവശ്യത്തിനെതിരെ വ്യാപക പ്രതിഷേധമാണ് ഉയര്ന്നുവന്നത്. ബംഗാള്, കര്ണാടക, മഹാരാഷ്ട്ര, തമിഴ്നാട് എന്നിവിടങ്ങളില് കരട് നയത്തിനെതിരെ വിവിധ പാര്ട്ടികള് രംഗത്ത് വന്നിരുന്നു.
RELATED STORIES
ഇഷാ ഫൗണ്ടേഷനെതിരേ പരാതി; ആറുപേരെ കാണാതായെന്ന് പോലിസ്;...
28 March 2024 5:08 AM GMTവി ജോയിയുടെ പോസ്റ്റര് നശിപ്പിച്ച തര്ക്കം; ഡിവൈഎഫ്ഐ പ്രവര്ത്തകനെ...
28 March 2024 4:55 AM GMTകണ്ണൂരില് മൂന്ന് സിപിഎം പ്രവര്ത്തകര്ക്ക് വെട്ടേറ്റു
25 March 2024 5:25 AM GMTആര്എല്വി രാമകൃഷ്ണനെ അധിക്ഷേപിച്ച സംഭവം; 10 ദിവസത്തിനകം റിപ്പോര്ട്ട് ...
24 March 2024 6:30 AM GMTചേറ്റുകുഴിയില് കാറും കെഎസ്ആര്ടിസിയും കൂട്ടിയിടിച്ച് ആറ് വയസുകാരി...
24 March 2024 5:08 AM GMTലോറിയില്നിന്ന് കരിങ്കല്ല് തെറിച്ചുവീണ് സ്കൂട്ടര് യാത്രികന് മരിച്ചു
19 March 2024 8:43 AM GMT