ജനുവരി 31നും ഫെബ്രുവരി ഒന്നിനും അഖിലേന്ത്യ ബാങ്ക് പണിമുടക്ക്
ബാങ്ക് യൂനിയനുകളുടെ ഐക്യവേദി യുനൈറ്റഡ് ഫോറം ഓഫ് ബാങ്ക് യൂനിയന്സിന്റെ നേതൃത്വത്തില് പൊതുമേഖല, സ്വകാര്യമേഖല ബാങ്കുകളിലെ പത്ത് ലക്ഷത്തോളം ബാങ്ക് ജീവനക്കാരും ഓഫീസര്മാരുമാണ് പണിമുടക്കുന്നത്. 31ന് അര്ധരാത്രി മുതല് ഫെബ്രുവരി ഒന്ന് അര്ധരാത്രി വരെ 48 മണിക്കൂര് പണിമുടക്കും
കൊച്ചി: സേവന വേതന കരാര് നീതിപൂര്വമായി പരിഷ്കരിക്കണമെന്നാവശ്യപ്പെട്ട് ജനുവരി 31, ഫെബ്രുവരി ഒന്ന് തിയതികളില് ബാങ്ക് യൂനിയനുകളുടെ ഐക്യവേദി യുനൈറ്റഡ് ഫോറം ഓഫ് ബാങ്ക് യൂനിയന്സിന്റെ നേതൃത്വത്തില് പണിമുടക്കും. പൊതുമേഖല, സ്വകാര്യമേഖല ബാങ്കുകളിലെ പത്ത് ലക്ഷത്തോളം ബാങ്ക് ജീവനക്കാരും ഓഫീസര്മാരുമാണ് പണിമുടക്കുന്നതെന്ന് ഭാരവാഹികള് വാര്ത്ത സമ്മേളനത്തില് പറഞ്ഞു. വ്യാഴാഴ്ച പ്രധാന കേന്ദ്രങ്ങളിലെല്ലാം പ്രതിഷേധ റാലി നടക്കും. 31ന് അര്ധരാത്രി മുതല് ഫെബ്രുവരി ഒന്ന് അര്ധരാത്രി വരെ 48 മണിക്കൂര് പണിമുടക്കും കേന്ദ്രീകൃത റാലികളും ധര്ണകളും നടക്കും. ഒന്നിന് പ്രധാനമന്ത്രിക്കുള്ള നിവേദനം ജില്ല കലക്ടര്മാര് വഴി സമര്പിക്കും.
പ്രശ്നത്തിന് പരിഹാരമുണ്ടാകാതെ വന്നാല് മാര്ച്ച് 11 മുതല് 13 വരെ വീണ്ടും പണിമുടക്കും. ശേഷം ഏപ്രില് ഒന്ന് മുതല് അനിശ്ചിത കാല പണിമുടക്കാണ് ഉദ്ദേശിക്കുന്നത്. 2017 ആദ്യപാദത്തില് ബാങ്ക് യൂനിയനുകള് ഇന്ത്യന് ബാങ്ക്സ് അസോസിയേഷന് അവകാശപത്രിക നല്കുകയും തുടര്ന്ന് ഇതുവരെ 39 വട്ടം ചര്ച്ചകള് നടത്തിയെങ്കിലും തൃപ്തികരമായ ശമ്പള പരിഷ്കരണത്തിന് ഇന്ത്യന് ബാങ്ക് അസോസിയേഷന് തയ്യാറായിട്ടില്ലെന്ന് അവര് ചൂണ്ടിക്കാട്ടി. വേതന പരിഷ്കരണം നടപ്പാക്കുക, പഞ്ചദിനവാര പ്രവര്ത്തനം നടപ്പാക്കുക, സ്പെഷ്യല് അലവന്സ് അടിസ്ഥാന ശമ്പളത്തോടൊപ്പം സംയോജിപ്പിക്കുക, പങ്കാളിത്ത പെന്ഷന് പദ്ധതി റദ്ദാക്കുക, പെന്ഷന് പരിഷ്കരിക്കുക, കുടുംബ പെന്ഷന് വര്ധിപ്പിക്കുക തുടങ്ങി 12 ആവശ്യങ്ങളുന്നയിച്ചാണ് പണിമുടക്ക്. വിവിധ സംഘടനകളെ പ്രതിനിധീകരിച്ച് സി ഡി ജോസണ്(എഐബിഇഎ), എബ്രഹാം ഷാജി ജോണ്(എഐബിഒസി), കെ എന് അന്സില്(എന്സിബിഇ), കെ സത്യനാഥന്(എഐബിഒഎ), എസ് എസ് അനില്(ബെഫി),ടി സഫറുല്ല(ഐഎന്ബിഇഎഫ്), എല് ബി എന് പ്രഭു(ഐഎന്ബിഒസി), കെ ശിവരാമകൃഷ്ണന്(എന്ഒബിഒ) വാര്ത്ത സമ്മേളനത്തില് പങ്കെടുത്തു.
RELATED STORIES
ബിജെപിക്ക് വോട്ട് ചെയ്തില്ലെങ്കില് വീട്ടില് ബുള്ഡോസര് എത്തും;...
18 April 2024 5:28 PM GMTവീണ്ടും ഇഡി ; ആം ആദ്മി എംഎല്എ അമാനത്തുള്ള ഖാന് അറസ്റ്റില്
18 April 2024 5:07 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTതെലങ്കാനയില് സ്കൂളിന് നേരെ ഹിന്ദുത്വ സംഘടനകളുടെ ആക്രമണം; മലയാളി...
18 April 2024 10:30 AM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT