സഹോദരങ്ങളുടെ വിവാഹത്തലേന്ന് യുവാവ് വാഹനാപകടത്തില്‍ മരിച്ചു
സ്‌കൂട്ടര്‍ യാത്രകാരനായ താറ്റിയേരി ഇബ്രാഹിം മൗലവിയുടെ മകന്‍ ഇസ്ഹാഖ് ആണ് അപകടത്തില്‍ മരണപ്പെട്ടത്. കുറ്റൂര്‍ ഭാഗത്തേക്ക് പോവുകയായിരുന്ന ബസും മാതമംഗലം ഭാഗത്തേക് വരികയായിരുന്ന സ്‌ക്കൂട്ടറും കൂട്ടിയിടിക്കുകയായിരുന്നു.
കണ്ണൂര്‍: മാതമംഗലം തായിറ്റേരിയില്‍ ബസും സ്‌കൂട്ടറും കൂട്ടിയിടിച്ച് യുവാവ് മരിച്ചു. സ്‌കൂട്ടര്‍ യാത്രകാരനായ താറ്റിയേരി ഇബ്രാഹിം മൗലവിയുടെ മകന്‍ ഇസ്ഹാഖ് ആണ് അപകടത്തില്‍ മരണപ്പെട്ടത്. കുറ്റൂര്‍ ഭാഗത്തേക്ക് പോവുകയായിരുന്ന ബസും മാതമംഗലം ഭാഗത്തേക് വരികയായിരുന്ന സ്‌ക്കൂട്ടറും കൂട്ടിയിടിക്കുകയായിരുന്നു.
താഴശ്ശേരി അങ്കണവാടിക്ക് സമീപം വച്ച് വൈകീട്ട് ഏഴോടെയാണ് അപകടമുണ്ടായത്. ബസിന്റെ മുന്‍വശത്ത് ഡ്രൈവര്‍ സീറ്റിന്റെ ഭാഗത്തേക്കായി ഇടിച്ചു കയറിയ നിലയിലായിരുന്നു ഇസ്ഹാഖിന്റെ സ്‌കൂട്ടര്‍.
ഇടിയുടെ ആഘാതത്തില്‍ സ്‌കൂട്ടര്‍ പൂര്‍ണമായും തകര്‍ന്നു. ഗുരുതര പരിക്കേറ്റ ഇസ്ഹാഖിനെ നാട്ടുകാര്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. ഞായറാഴ്ച നടക്കുന്ന സഹോദരിയുടേയും സഹോദരന്റെയും വിവാഹ ആവശ്യങ്ങള്‍ക്കായുള്ള യാത്രയിലായിരുന്നു മരിച്ച ഇസഹാഖ്.