പത്തനംതിട്ടയില് വൃദ്ധയെ മരുമകന് കഴുത്തില് കേബിള് മുറുക്കി കൊലപ്പെടുത്തി
കൊലപാതകം നടത്തിയതിന് പിന്നാലെ ആത്മഹത്യാ ശ്രമം നടത്തിയ ഉത്തമനെ നാട്ടുകാര് ചേര്ന്ന് ജനറല് ആശുപത്രിയില് എത്തിച്ചു. ഉത്തമനെ പോലിസ് കസ്റ്റഡിയിലെടുത്ത് കോട്ടയം മെഡിക്കല് കോളജ് ആശുപത്രിയില് പ്രവേശിപ്പിച്ചു.
പത്തനംതിട്ട: പത്തനംതിട്ട കൂടല് നെടുമണ്കാവില് വൃദ്ധയെ മരുമകന് കഴുത്തില് കേബിള് മുറുക്കി കൊലപ്പെടുത്തി. നെടുമണ്കാവ് കൈലാസ കുന്നില് കല്ലുവിള വീട്ടില് ജാനകിയെയാണ് കുടുംബ വഴക്കിനെ തുടര്ന്ന് മരുമകന് ഉത്തമന് കൊലപ്പെടുത്തിയത്. കൊലപാതകത്തിന് ശേഷം ആത്മഹത്യാ ശ്രമം നടത്തിയ ഉത്തമനെ കോട്ടയം മെഡിക്കല് കോളജ് ആശുപത്രിയില് പ്രവേശിപ്പിച്ചു.
ഉച്ചയോടെ ഉത്തമന് ജാനകിയെ വീട്ടിലെ ജനലിനോട് ചേര്ത്ത് കഴുത്തില് കേബിള് മുറുക്കി കൊലപ്പെടുത്തുകയായിരുന്നു. കൃത്യം നടത്തുമ്പോള് വീട്ടില് ആരും ഉണ്ടായിരുന്നില്ല. ജോലിക്ക് പോയ ഭാര്യ ഭക്ഷണം കഴിക്കാനായി എത്തിയപ്പോള് ജാനകിയെ താന് കൊലപ്പെടുത്തിയെന്ന് ഇയാള് പറഞ്ഞു. തുടര്ന്ന് ഇയാളുടെ ഭാര്യ സമീപത്തെ അംഗന് വാടി ടീച്ചറെ വിവരം അറിയിച്ചു. അവര് കൂടല് പോലിസിനെ ബന്ധപ്പെടുകയായിരുന്നു.
കൊലപാതകം നടത്തിയതിന് പിന്നാലെ ആത്മഹത്യാ ശ്രമം നടത്തിയ ഉത്തമനെ നാട്ടുകാര് ചേര്ന്ന് ജനറല് ആശുപത്രിയില് എത്തിച്ചു. ഉത്തമനെ പോലിസ് കസ്റ്റഡിയിലെടുത്ത് കോട്ടയം മെഡിക്കല് കോളജ് ആശുപത്രിയില് പ്രവേശിപ്പിച്ചു.