രാഹുല്ഗാന്ധി നാളെ എത്തും
രാഹുല്ഗാന്ധിയുടെ മണ്ഡലം ഉള്പ്പെടുന്ന മലപ്പുറം, വയനാട് കളക്ട്രേറ്റുകള് കേന്ദ്രീകരിച്ചായിരിക്കും പ്രവര്ത്തനം. കാലവര്ഷക്കെടുതി ഇക്കുറി ഏറ്റവുമധികം ബാധിച്ച സ്ഥലങ്ങളിലൊന്നാണ് വയനാട്.
കോഴിക്കോട്: പേമാരിയും ഉരുള്പൊട്ടലും ദുരന്തംവിതച്ച വയനാടും മലപ്പുറവും സന്ദര്ശിക്കാന് രാഹുല്ഗാന്ധി നാളെ എത്തും. നാളെ വൈകുന്നേരത്തോടെ രാഹുല് ഗാന്ധി കോഴിക്കോട് എത്തുമെന്ന് കോണ്ഗ്രസ് നേതാക്കള് വ്യക്തമാക്കി. രാഹുല്ഗാന്ധിയുടെ മണ്ഡലം ഉള്പ്പെടുന്ന മലപ്പുറം, വയനാട് കളക്ട്രേറ്റുകള് കേന്ദ്രീകരിച്ചായിരിക്കും പ്രവര്ത്തനം. കാലവര്ഷക്കെടുതി ഇക്കുറി ഏറ്റവുമധികം ബാധിച്ച സ്ഥലങ്ങളിലൊന്നാണ് വയനാട്.
കേരളത്തിലെയും പ്രത്യേകിച്ച് വയനാട്ടിലെ മഴയും മണ്ണിടിച്ചിലും പ്രധാനമന്ത്രി നരേന്ദ്ര മോദിയെ അറിയിച്ച രാഹുല് ഗാന്ധി അടിയന്തര സഹായങ്ങള് ആവശ്യപ്പെട്ടിരുന്നു. കാലവര്ഷക്കെടുതി നേരിടാന് കേരള സര്ക്കാരിന് എല്ലാ സഹായങ്ങളും ചെയ്യുമെന്ന് പ്രധാനമന്ത്രി ഉറപ്പും നല്കിയതായി രാഹുല് ഗാന്ധിയുടെ ഓഫിസ് വ്യക്തമാക്കിയിരുന്നു.