റോഡുകളുടെ ശോചനീയാവസ്ഥ; സര്ക്കാരിനെതിരെ രൂക്ഷ വിമര്ശനവുമായി ഹൈക്കോടതി
രാത്രി കാലങ്ങളില് സ്ത്രീകളോട് പുറത്ത് ഇറങ്ങി നടക്കാനാണ് സര്ക്കാര് പറയുന്നത്. എന്നാല്, കൃത്യമായ ലൈറ്റ് പോലും ഇല്ലാത്ത റോഡിലേക്കാണോ സര്ക്കാര് സ്ത്രീകളോട് രാത്രി ഇറങ്ങി നടക്കാന് പറയുന്നതെന്ന് കോടതി ചോദിച്ചു.പാലാരിവട്ടത്തെ റോഡിലെ കുഴിയില് വീണ് യുവാവ് മരിച്ച കേസ് പരിഗണിക്കവെയാണ് കോടതിയുടെ വിമര്ശനമുണ്ടായത്.കേരളത്തില് നല്ല റോഡ് ഇല്ലാത്തത് ഉദ്യോഗസ്ഥരുടെ അനാസ്ഥയാണെന്ന് കോടതി വിമര്ശിച്ചു
കൊച്ചി: സംസ്ഥാനത്തെ റോഡുകളുടെ ശോചനീയാവസ്ഥയില് സര്ക്കാരിനെതിരെ രൂക്ഷ വിമര്ശനവുമായി ഹൈക്കോടതി. രാത്രി കാലങ്ങളില് സ്ത്രീകളോട് പുറത്ത് ഇറങ്ങി നടക്കാനാണ് സര്ക്കാര് പറയുന്നത്. എന്നാല്, കൃത്യമായ ലൈറ്റ് പോലും ഇല്ലാത്ത റോഡിലേക്കാണോ സര്ക്കാര് സ്ത്രീകളോട് രാത്രി ഇറങ്ങി നടക്കാന് പറയുന്നതെന്ന് കോടതി ചോദിച്ചു.പാലാരിവട്ടത്തെ റോഡിലെ കുഴിയില് വീണ് യുവാവ് മരിച്ച കേസ് പരിഗണിക്കവെയാണ് കോടതിയുടെ വിമര്ശനമുണ്ടായത്.കേരളത്തില് നല്ല റോഡ് ഇല്ലാത്തത് ഉദ്യോഗസ്ഥരുടെ അനാസ്ഥയാണെന്ന് കോടതി വിമര്ശിച്ചു.
നല്ല റോഡ് ഉണ്ടാകുക എന്നത് ഭരണഘടനാ അവകാശമാണെന്ന് ഹൈക്കോടതി ചൂണ്ടിക്കാട്ടി. എല്ലാ വര്ഷവും റോഡ് നന്നാക്കുക എന്നത് ശീലമാക്കുന്നു. അങ്ങനെ റോഡ് നന്നാക്കുന്നതിനിടെ ഗുണം പലര്ക്കും കിട്ടുന്നു. റോഡപകടത്തില് മരിക്കുന്നവര്ക്ക് നല്കുന്ന നഷ്ടപരിഹാരം ഉദ്യോഗസ്ഥരില് നിന്നും ഈടാക്കണം എന്ന് കോടതി നിര്ദ്ദേശിച്ചു. റോഡുകളുടെ മോശം അവസ്ഥയ്ക്ക് ഉദ്യോഗസ്ഥരെ ഉത്തരവാദികള് ആക്കുന്നതില് സര്ക്കാരുമായി ചര്ച്ച നടത്താമെന്ന് സര്ക്കാര് അഭിഭാഷകന് കോടതിയെ അറിയിച്ചു.കൊച്ചിയിലെ റോഡുകളുടെ ശോചനീയാവസ്ഥയില് ഹൈക്കോടതി നേരത്തെ സ്വമേധയാ കേസെടുത്തിരുന്നു. ജസ്റ്റിസ് ദേവന് രാമചന്ദ്രന് നല്കിയ കത്തിന്റെ അടിസ്ഥാനത്തിലാണ് ചീഫ് ജസ്റ്റിസ് അധ്യക്ഷനായ ബെഞ്ച് കേസെടുക്കാന് ഉത്തരവിട്ടത്.