എസ് ഡിപിഐ പ്രവര്‍ത്തകര്‍ക്കു നേരെ സിപിഎം ആക്രമണം
15ഓളം സിപിഎം പ്രവര്‍ത്തകര്‍ യാതൊരു പ്രകോപനവുമില്ലാതെയാണ് ആക്രമിച്ചതെന്ന് എസ്ഡിപിഐ പ്രവര്‍ത്തകര്‍ പറഞ്ഞു
കണ്ണൂര്‍: പാനൂര്‍ ചമ്പാട് ഭാഗത്ത് തിരഞ്ഞെടുപ്പ് പ്രചാരണത്തിന്റെ ഭാഗമായി ഗൃഹസന്ദര്‍ശനം നടത്തിയ എസ്ഡിപിഐ പ്രവര്‍ത്തകരെ സിപിഎമ്മുകാര്‍ ആക്രമിച്ചു. ചമ്പാട് സ്വദേശി അബ്ദുര്‍ റഹ്മാന്‍, ഹനീഫ, സമീര്‍, ഇസ്മാഈല്‍ എന്നിവരെയാണ് ആക്രമിച്ചത്. പരിക്കേറ്റ ഇവരെ ആശുപത്രിയില്‍ പ്രവേശിപ്പിച്ചു. അക്രമികള്‍ ഫോണ്‍ പിടിച്ചുവാങ്ങി തകര്‍ക്കുകയും ചെയ്തു. 15ഓളം സിപിഎം പ്രവര്‍ത്തകര്‍ യാതൊരു പ്രകോപനവുമില്ലാതെയാണ് ആക്രമിച്ചതെന്ന് എസ്ഡിപിഐ പ്രവര്‍ത്തകര്‍ പറഞ്ഞു.