കൊവിഡ് വ്യാപനം: തദ്ദേശ സ്ഥാപനങ്ങളിലെ പ്രതിനിധികളുമായി മുഖ്യമന്ത്രി ഇന്ന് ചര്ച്ച നടത്തും
തിരുവനന്തപുരം: സംസ്ഥാനത്തെ കൊവിഡ് വ്യാപനം രൂക്ഷമായി തുടരുന്ന സാഹചര്യത്തില് തദ്ദേശ സ്ഥാപനങ്ങളിലെ പ്രതിനിധികളുമായി മുഖ്യമന്ത്രി ചര്ച്ച നടത്തും. വൈകീട്ട് നാലിനാണ് യോഗം. 296 തദ്ദേശ സ്വയംഭരണ പ്രദേശങ്ങളില് കര്ശന നിയന്ത്രണമുണ്ട്. ഈ സാഹചര്യത്തിലാണ് തദ്ദേശ സ്ഥാപനങ്ങളിലെ ജനപ്രതിനിധികളുടെ യോഗം വിളിച്ചിരിക്കുന്നത്.
വൈകുന്നേരം നാല് മണിക്ക് ചേരുന്ന യോഗത്തില് ആരോഗ്യ മന്ത്രി വീണ ജോര്ജ്, തദ്ദേശ സ്വയംഭരണ വകുപ്പ് മന്ത്രി എം വി ഗോവിന്ദന്, റവന്യു മന്ത്രി കെ രാജന് എന്നിവരും പങ്കെടുക്കും. പ്രാദേശിക തലത്തില് കൊവിഡ് പ്രതിരോധ പ്രവര്ത്തനങ്ങള് ശക്തമാക്കുന്നത് സംബന്ധിച്ച് ചര്ച്ച നടക്കും.
സംസ്ഥാനത്തെ രോഗവ്യാപനം ഗുരുതരമായി തുടരുകയാണ്. പ്രതിദിന രോഗികളുടെ എണ്ണത്തില് ഒരു കുറവുമില്ല. ടെസ്റ്റ് പോസിറ്റിവിറ്റി നിരക്കും ഉയര്ന്നു തന്നെ തുടരുകയാണ്. ചികിത്സയിലിരിക്കുന്നവരുടെ എണ്ണം രണ്ട് ലക്ഷത്തി നാല്പതിനായിരം കടന്നു. മരണ സംഖ്യ 21,000 കടന്നു.