തിരുവനന്തപുരം: ജനുവരി ഒന്നുമുതല് കെഎസ്ആര്ടിസി മുഴുവന് സര്വീസുകളും പുനരാരംഭിക്കുമെന്ന് കെഎസ്ആര്ടിസി സിഎംഡി ബിജു പ്രഭാകര് ഐഎഎസ് അറിയിച്ചു. ഇത് സംബന്ധിച്ച് മുഴുവന് യൂനിറ്റ് ഓഫീസര്മാര്ക്കും നിര്ദേശം നല്കി.
ഫാസ്റ്റ് പാസഞ്ചര് 2 ജില്ലകളിലും, സൂപ്പര്ഫാസ്റ്റ് 4 ജില്ലകള് വരെയും സര്വീസ് നടത്തും. ക്രിസ്തുമസ് പുതുവത്സര ദിനത്തോടനുബന്ധിച്ച് കെഎസ്ആര്ടിസി പ്രത്യേക അന്തര്സംസ്ഥാന സര്വീസ് നടത്തും. ഡിസംബര് 21 മുതല് ജനുവരി 4 വരെയാണ് പ്രത്യേക സര്വീസ് നടത്തുക. കേരളത്തിലെ വിവിധ കേന്ദ്രങ്ങളില് നിന്നും ബംഗളൂരുവിലേക്കും തിരിച്ചും സര്വീസ് നടത്തും.