ഐഎസ്എല്ലില് ഡല്ഹി ചെന്നൈ മല്സരം ഗോള്രഹിത സമനില
BY jaleel mv23 Oct 2018 5:36 PM GMT
X
jaleel mv23 Oct 2018 5:36 PM GMT
ന്യുഡല്ഹി:ഐഎസ്എല്ലില് ഇന്നലെ നടന്ന ഡല്ഹി ഡൈനാമോസ് ചെന്നൈയിന് മല്സരം ഗോള്രഹിത സമനിലയില് പിരിഞ്ഞു. കളിയിലുടനീളം ചെന്നൈക്കായിരുന്നു മുന്തൂക്കം.ഗോള്ശ്രമത്തിലും ഷോട്ടുകളിലും ചെന്നൈയിന് മുന്നില് നിന്നപ്പോള് ഡല്ഹിയുടെ പ്രതിരോധം അവയെല്ലാം നിഷ്ഫലമാക്കി. ആദ്യപകുതിയില് ഡല്ഹി പന്ത് കൈവശം വക്കുന്നതില് ശ്രദ്ധിച്ചപ്പോള് രണ്ടാം പകുതിയില് ചെന്നൈയിനായിരുന്നു പന്ത് കൈവശം വച്ചത്. കളി തുടങ്ങി 17ാം മിനിറ്റില് ചെന്നൈയിന് വേണ്ടി എലി സാബിയ ഗോള്മുഖത്തിനടുത്ത് ഐസക് വന്മല്സമയുടെ ക്രോസില് നിന്ന് ഒരു ഹെഡര് ശ്രമം നടത്തിയെങ്കിലും ലക്ഷ്യം പിഴച്ചു.
22ാം മിനിറ്റിലും എലിയുടെ ശ്രമം പാഴായി. പലവട്ടം ചെന്നൈയിന് അവസരങ്ങള് ലഭിച്ചെങ്കിലും അതൊന്നും ഫലം കണ്ടില്ല. ഗോളവസരങ്ങളും അന്യമായിരുന്ന ഡല്ഹി ആക്രമണം കൂട്ടാനായി അന്ഡ്രിയ കളുജെറോവികിനെ തിരികെ വിളിച്ച് അഡ്രിയ കര്മോനയെ കളത്തിലിറക്കി. പക്ഷേ ഡല്ഹിക്ക് പുതിയ നീക്കങ്ങളൊന്നും പുറത്തെടുക്കാനായില്ല. അതേസമയം ചെന്നൈയിന്റെ ശ്രമങ്ങള് മറുവശത്തും നടന്നുകൊണ്ടിരുന്നു. ചെന്നൈയിന് വേണ്ടി ഗ്രിഗറി വില്സണിനെയും 76ാം മിനിറ്റില് കളത്തിലിറക്കി. തൊട്ടടുത്ത നിമിഷത്തില് വില്സണ് ഗോള്മുഖത്തിലേക്ക് ഷോട്ടുതിര്ത്തെങ്കിലും ഡല്ഹി പ്രതിരോധം തടഞ്ഞു. 87ാം മിനിറ്റില് ചെന്നൈ ജെജെയെയും ഇറക്കി. ഇരു ടീമുകളും പല കളിക്കാരെയും കളത്തിലിറക്കിയെങ്കിലും മല്സരം ഗോളുകളൊന്നും കണ്ടെത്താനാവാതെ സമനിലയില് പിരിയുകയായിരുന്നു.
Next Story
RELATED STORIES
കിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMT