വിക്രം ലാന്ഡര് ചന്ദ്രോപരിതലത്തില് ഇടിച്ചിറങ്ങിയിരിക്കാന് സാധ്യത; ബന്ധം പുനസ്ഥാപിക്കാന് ശ്രമം തുടരുന്നു
വിക്രം ലാന്ഡറുമായുള്ള ബന്ധം പുനഃസ്ഥാപിക്കാന് ഐഎസ്ആര്ഒ തീവ്രശ്രമം തുടരുകയാണ്. സോഫ്റ്റ് ലാന്ഡിങാണ് ലക്ഷ്യമിട്ടിരുന്നതെങ്കിലും വിക്രം ലാന്ഡര് ചന്ദ്രോപരിതലത്തില് ഇടിച്ചിറങ്ങിയിരിക്കാനാണ് സാധ്യതയെന്ന് ഐഎസ്ആര്ഒ ചെയര്മാന് കെ ശിവന് പിടിഐയോട് പറഞ്ഞു.
ബംഗളുരു: ചാന്ദ്രയാന് 2 ദൗത്യത്തിന്റെ ഭാഗമായ വിക്രം ലാന്ഡര് ചന്ദ്രോപരിതലത്തില് ഇടിച്ചിറങ്ങിയിരിക്കാനാണ് സാധ്യതയെന്ന് ഐഎസ്ആര്ഒ. വിക്രം ലാന്ഡറുമായുള്ള ബന്ധം പുനഃസ്ഥാപിക്കാന് ഐഎസ്ആര്ഒ തീവ്രശ്രമം തുടരുകയാണ്. സോഫ്റ്റ് ലാന്ഡിങാണ് ലക്ഷ്യമിട്ടിരുന്നതെങ്കിലും വിക്രം ലാന്ഡര് ചന്ദ്രോപരിതലത്തില് ഇടിച്ചിറങ്ങിയിരിക്കാനാണ് സാധ്യതയെന്ന് ഐഎസ്ആര്ഒ ചെയര്മാന് കെ ശിവന് പിടിഐയോട് പറഞ്ഞു.
''ലാന്ഡറിനെ കണ്ടെത്താന് ഞങ്ങള്ക്ക് കഴിഞ്ഞു. ഹാര്ഡ് ലാന്ഡിങ് നടന്നിരിക്കാനാണ് സാധ്യത''- കെ ശിവന് പറഞ്ഞു. വിക്രം ലാന്ഡറിലെ റോവര് പ്രഗ്യാന്റെ ചിത്രങ്ങളും ഓര്ബിറ്റര് എടുത്തിട്ടുണ്ട്. ഓര്ബിറ്റര് ഇപ്പോഴും മികച്ച രീതിയില് പ്രവര്ത്തിക്കുന്നുണ്ടെന്നും ഐഎസ്ആര്ഒ വ്യക്തമാക്കി.
ഹാര്ഡ് ലാന്ഡിങില് ലാന്ഡറിന് കേടുപാടുകള് സംഭവിച്ചിട്ടുണ്ടാകുമോ എന്ന് ഇപ്പോള് പറയാനാവില്ല. അവസാനഘട്ടത്തിലാണ് ലാന്ഡിങ് ശ്രമം പാളിയത്. വിക്രമിന്റെ താഴേക്കുള്ള യാത്ര തീരുമാനിക്കപ്പെട്ടതിലും വേഗത്തിലായിരുന്നുവെന്നാണ് ലഭിക്കുന്ന വിവരം. ഇത് നിയന്ത്രണ സംവിധാനങ്ങളുടെ പരിധിക്കപ്പുറമായിരുന്നു. അതിനാല് ബ്രേക്കിങ് സംവിധാനത്തിന് കൃത്യമായി പ്രവര്ത്തിക്കാനായില്ല. എന്തുകൊണ്ടാണ് ഇങ്ങനെ സംഭവിച്ചതെന്ന് കണ്ടെത്താനുള്ള ശ്രമമാണ് ഇപ്പോള് നടക്കുന്നത്.
ഒരു ദിവസം ഏഴ് മുതല് എട്ട് തവണ വരെയാണ് ഇപ്പോള് ഓര്ബിറ്റര് ചന്ദ്രനെ ഭ്രമണം ചെയ്യുന്നത്. എങ്കിലും ഓരോ ഭ്രമണത്തിലും ഓര്ബിറ്ററിന് വിക്രമിനെ കാണാനാകില്ല. ദിവസം രണ്ട് മുതല് മൂന്ന് തവണ വരെയാണ് വിക്രം ഇറങ്ങേണ്ടിയിരുന്ന പ്രദേശത്തിന് മുകളിലൂടെ ഓര്ബിറ്റര് കടന്ന് പോകുക. വേണമെങ്കില് പ്രൊപ്പല്ഷന് സംവിധാനം പ്രവര്ത്തിപ്പിച്ച് ഭ്രമണപഥത്തില് മാറ്റം വരുത്താമെങ്കിലും പ്രവര്ത്തന കാലാവധിയെ ബാധിക്കുമെന്നതിനാല് ഇസ്രൊ തല്ക്കാലം ഇതിന് മുതിരില്ല.
ഓര്ബിറ്ററിന് ഇപ്പോള് ചന്ദ്രന് ചുറ്റും ഭ്രമണം ചെയ്യുന്ന മറ്റേത് ചാന്ദ്രദൗത്യത്തേക്കാള് മികച്ച ക്യാമറയാണുള്ളത്. ഇതില് നിന്നുള്ള മിഴിവുള്ള ചിത്രങ്ങള് ശാസ്ത്രലോകത്തിന് ഗുണകരമാകും. മികച്ച ചിത്രങ്ങളിലൂടെ ചന്ദ്രോപരിതലത്തില് നിന്ന് കൂടുതല് വിവരങ്ങള് ശേഖരിക്കാനുമാകും.
ചന്ദ്രോപരിതലത്തില് നിന്ന് വെറും 2.1 കിലോമീറ്റര് അകലെവച്ചാണ് വിക്രം ലാന്ഡറുമായുള്ള ആശയവിനിമയം ബംഗളുരുവിലെ ഐഎസ്ആര്ഒ നിയന്ത്രണകേന്ദ്രമായ ഇസ്ട്രാക്കിന് നഷ്ടമായത്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
