2021 നവംബറില് ഇന്ത്യയില് വാട്സ് ആപ്പ് നിരോധിച്ചത് 17.59 ലക്ഷം അക്കൗണ്ടുകള്
പുതിയ ഐടി നിയമം 2021 അനുസരിച്ചാണ് വാട്സ് ആപ്പ് കണക്കുകള് പുറത്തുവിട്ടത്. ആറാമത്തെ പ്രതിമാസ റിപോര്ട്ടിലാണ് നവംബറിലെ കണക്കുകള് പുറത്തുവന്നിരിക്കുന്നത്.
ന്യൂഡല്ഹി: 2021 നവംബറില് മാത്രം 17,59,000 ലക്ഷം ഇന്ത്യന് അക്കൗണ്ടുകള് വാട്സ് ആപ്പ് നിരോധിച്ചു. ഇക്കാലയളവില് 602 പരാതികളാണ് ലഭിച്ചത്. ഇതില് 36 എണ്ണത്തില് നടപടിയെടുത്തുവെന്നും കമ്പനി വൃത്തങ്ങള് അറിയിച്ചു. പുതിയ ഐടി നിയമം 2021 അനുസരിച്ചാണ് വാട്സ് ആപ്പ് കണക്കുകള് പുറത്തുവിട്ടത്. ആറാമത്തെ പ്രതിമാസ റിപോര്ട്ടിലാണ് നവംബറിലെ കണക്കുകള് പുറത്തുവന്നിരിക്കുന്നത്. ഉപഭോക്താവ് നല്കുന്ന പരാതികളുടെ അടിസ്ഥാനത്തില് സ്വീകരിച്ച നടപടികളാണ് റിപോര്ട്ടില് ഉള്പ്പെടുത്തിയിരിക്കുന്നത്.
വാട്സ് ആപ്പ് ദുരുപയോഗം ചെയ്യുന്നത് തടയുകയാണ് ലക്ഷ്യമെന്ന് കമ്പനി അറിയിച്ചു. എന്ഡ് ടു എന്ഡ് എന്ക്രിപ്റ്റഡ് മെസേജിങ് സിസ്റ്റങ്ങളില് വച്ച് ദുരുപയോഗം തടയുന്നതില് വാടസ് ആപ്പ് ഏറ്റവും മികച്ച കമ്പനിയാണ്. ഒക്ടോബറില് 500 പരാതികള് ലഭിച്ചതിനെത്തുടര്ന്ന് വാട്സ് ഇന്ത്യയില് 20 ലക്ഷത്തിലധികം അക്കൗണ്ടുകള് സസ്പെന്ഡ് ചെയ്തിരുന്നു. ഇന്ത്യയില് വാട്സ് ആപ്പിന് ഏകദേശം 40 കോടി ഉപയോക്താക്കളുണ്ടെന്നാണ് കണക്ക്. മുമ്പ് വാട്സ് ആപ്പിന്റെ 95 ശതമാനം സസ്പെന്ഷനുകളും അനധികൃത ഓട്ടോമേറ്റഡ് അല്ലെങ്കില് മാസ് മെസേജിങ് (സ്പാം) ഉപയോഗത്തില് നിന്നാണുണ്ടായിരുന്നത്.
നടപടിയെടുക്കുക എന്നതിനര്ഥം ഒന്നുകില് ഒരു അക്കൗണ്ട് സസ്പെന്ഡ് ചെയ്യുക അല്ലെങ്കില് പരാതിയുടെ ഫലമായി മുമ്പ് നിരോധിച്ച അക്കൗണ്ട് പുനസ്ഥാപിക്കുക എന്നതാണ്. മെയില് പ്രാബല്യത്തില് വന്ന പുതിയ ഐടി മാര്ഗനിര്ദ്ദേശങ്ങള്, പ്രധാന ഡിജിറ്റല് പ്ലാറ്റ്ഫോമുകള്ക്ക് (50 ലക്ഷത്തിലധികം ഉപയോക്താക്കളുള്ള) ലഭിച്ച പരാതികളും സ്വീകരിച്ച നടപടികളും ഉള്പ്പെടെ എല്ലാ മാസവും നടപടി റിപോര്ട്ടുകള് ഹാജരാക്കേണ്ടതുണ്ട്. ഇതിന്റെ ഭാഗമായി തയ്യാറാക്കിയ റിപോര്ട്ടിലാണ് വാട്സ് ആപ്പ് അക്കൗണ്ടുകള് നിരോധിച്ചതായി വ്യക്തമാക്കിയിരിക്കുന്നത്.
RELATED STORIES
ഗുജറാത്തില് ബിജെപിക്ക് നാടകീയ ജയം; മാച്ച് ഫിക്സിങ്ങെന്ന് കോണ്ഗ്രസ്
22 April 2024 3:02 PM GMTകോണ്ഗ്രസും സിപിഎമ്മും ബംഗാളില് ഇന്ഡ്യ സഖ്യത്തിന്റെ ഭാഗമല്ലെന്ന്...
22 April 2024 10:14 AM GMTഇന്നത്തെ കേരള സന്ദര്ശനം റദ്ദാക്കി രാഹുല് ഗാന്ധി; കെ സി...
22 April 2024 6:43 AM GMTരാജ്യത്തിന്റെ സമ്പത്ത് കോണ്ഗ്രസ് മുസ്ലിങ്ങള്ക്ക് നല്കും'; മോദിയുടെ ...
22 April 2024 6:35 AM GMTഓപൺ എഐയുടെ ഇന്ത്യയിലെ ആദ്യ ജീവനക്കാരിയായി പ്രഗ്യ മിശ്ര
20 April 2024 5:07 PM GMTമാധ്യമ പ്രവര്ത്തക സൗമ്യ വിശ്വനാഥന് കൊലക്കേസ്: പ്രതികളുടെ ശിക്ഷ...
20 April 2024 5:00 PM GMT