ജിയോഗ്ലാസ് വരുന്നു: ഇനി ചുമ്മാ കണ്ണട വെച്ചാല് മതി ; ക്ലാസ്റൂം മുന്നില് തെളിയും
ജിയോ ഗ്ലാസ് നെറ്റ്വര്ക്കിലേക്ക് പരിധിയില്ലാതെ ബന്ധിപ്പിക്കുന്നതിനാല്, 5 ജി വീഡിയോ കോണ്ഫറന്സുകള് ഉപയോക്താവിന്റെ കണ്ണുകള്ക്ക് മുന്നില് അനായാസം തെളിയും.
മുംബൈ: പഠനവും ജോലിയുമെല്ലാം ഡിജിറ്റലാക്കിയ കൊവിഡ് കാലത്ത് ഒരു കണ്ണടയില് എല്ലാമൊതുക്കാവുന്ന സംവിധാനവുമായി ജിയോഗ്ലാസ് വിപണിയിലെത്തി. ലാപ്ടോപ്പിലും മൊബൈല് ഫോണിലും നോക്കി ഡിജിറ്റല് ക്ലാസിലും മീറ്റിങ്ങിലും പങ്കെടുത്തവര്ക്ക് ഇനി കണ്ണട മാത്രം മതിയാകും. മികച്ച റിയാലിറ്റി വീഡിയോ അനുഭവത്തോടെ ത്രീഡി ക്ലാസ് റൂം സാധ്യമാക്കുന്നതാണ് ജിയോ ഗ്ലാസ്. വിദ്യാര്ഥികള്ക്കും പ്രൊഫഷണലുകള്ക്കും ഏറെ ഉപകാരപ്രദമാകുന്ന ജിയോ ഗ്ലാസ് വിനോദ പരിപാടികള് പുതിയ രീതിയില് ആസ്വദിക്കാനും വഴിയൊരുക്കും.
ജിയോ ഗ്ലാസ് നെറ്റ്വര്ക്കിലേക്ക് പരിധിയില്ലാതെ ബന്ധിപ്പിക്കുന്നതിനാല്, 5 ജി വീഡിയോ കോണ്ഫറന്സുകള് ഉപയോക്താവിന്റെ കണ്ണുകള്ക്ക് മുന്നില് അനായാസം തെളിയും. 5 ജി സംവിധാനം രാജ്യത്ത് ഇപ്പോള് നിലവിലില്ല. സ്പെക്ട്രം ലേലം ചെയ്താലുടന് ഇന്ത്യയില് 5 ജി പരീക്ഷണം ആരംഭിക്കുമെന്ന് ജിയോ പറയുന്നു. 25 ആപ്ലിക്കേഷനുകള് ഉള്ളതാണ് ജിയോ ഗ്ലാസ്.
75 ഗ്രാമാണ് ഇതിന്റെ ഭാരം. ക്രിസ്റ്റല് ക്ലിയര് ശബ്ദമാണ് ജിയോ ഗ്ലാസിന്റെ മറ്റൊരു പ്രത്യേകതയായി കമ്പനി പറയുന്നത്. സൂം ആപ്പിനു പകരമായി ജിയോ ഇറക്കിയ ജിയോ മീറ്റ് ഉള്പ്പടെയുള്ള വീഡിയോ കോണ്ഫറന്സ് ആപ്പുകള് ജിയാഗ്ലോസില് ഇന്സ്റ്റാള് ചെയ്തിട്ടുണ്ട്. 29999 രൂപയാണ് ജിയോഗ്ലാസിന്റെ വില. ജിയോ ടിവി പ്ലസ് ഉള്പ്പടെയുള്ള സംവിധാനങ്ങള് കൂടി ജിയോ അവതരിപ്പിക്കുന്നുണ്ട്.
RELATED STORIES
അമേരിക്കയിൽ ഇലക്ട്രിക് കാർ മരത്തിലിടിച്ച് കത്തി മലയാളി കുടുംബത്തിലെ...
26 April 2024 7:59 PM GMTഎന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMT