ഇനി 5000 രൂപ വരെയുള്ള ഇടപാടുകള്‍ക്ക് പിന്‍ വേണ്ട; പുതിയ സംവിധാനവുമായി ഫോണ്‍പേ

മുംബൈ: ഉപയോക്താക്കള്‍ക്ക് എളുപ്പത്തില്‍ ട്രാന്‍സാക്ഷന്‍ നടത്താന്‍ കഴിയുന്ന ഫീച്ചര്‍ അവതരിപ്പിച്ച് പ്രമുഖ യുപിഐ പ്ലാറ്റ്‌ഫോമായ ഫോണ്‍പേ. ചെറിയ ഇടപാടുകള്‍ക്ക് പോലും ആവര്‍ത്തിച്ച് പിന്‍ നല്‍കേണ്ടി വരുന്ന ബുദ്ധിമുട്ട് ഒഴിവാക്കുന്നതിന് വേണ്ടിയാണ് പുതിയ ഫീച്ചര്‍. ഓരോ തവണയും പിന്‍ നല്‍കാതെ തന്നെ ഉപയോക്താക്കള്‍ക്ക് നിര്‍ദ്ദിഷ്ട ഇടപാടുകള്‍ പൂര്‍ത്തിയാക്കാന്‍ കഴിയുന്ന തരത്തിലാണ് പുതിയ സംവിധാനം.

വിരലടയാളം അല്ലെങ്കില്‍ ഫേസ് ഐഡി ഉപയോഗിച്ച് പേയ്‌മെന്റുകള്‍ അംഗീകരിക്കാന്‍ ഉപയോക്താക്കളെ അനുവദിക്കുന്ന ബയോമെട്രിക് പേയ്‌മെന്റ് ഫീച്ചര്‍ ആണ് അവതരിപ്പിച്ചത്. പേയ്‌മെന്റ് അനുഭവം വേഗത്തിലും സുഗമമായും തടസരഹിതവുമാക്കുന്നതിനാണ് ഈ ഫീച്ചര്‍ രൂപകല്‍പ്പന ചെയ്തതെന്ന് കമ്പനി പറയുന്നു.