ഭര്തൃസഹോദരന് തീക്കൊളുത്തിയ യുവതി മരണപ്പെട്ടു
കണ്ണൂര്: ഭര്തൃസഹോദരന് തീക്കൊളുത്തിയതിനെ തുടര്ന്ന് ഗുരുതരമായി പൊള്ളലേറ്റ് ചികില്സയിലായിരുന്ന യുവതി മരണപ്പെട്ടു. കണ്ണൂര് ജില്ലയിലെ കൂത്തുപറമ്പിനടുത്ത് പാട്യം പത്തായക്കുന്നിലെ ശ്രീനാരായണയില് രജീഷിന്റെ ഭാര്യ സുബിനയാണ് മരിച്ചത്. ഭര്തൃസഹോദരന് രഞ്ജിത്താണ് യുവതിയെയും ഭര്ത്താവിനെയും മകനെയും തീ കൊളുത്തിയത്. ഇതിനുശേഷം രഞ്ജിത് ആത്മഹത്യ ചെയ്തിരുന്നു. ഞായറാഴ്ച രാത്രി 7.30ഓടെയാണ് സംഭവം. അനുജന് രജീഷ്, രജീഷിന്റെ ഭാര്യ സുബിന, മകന് ആറു വയസ്സുകാരന് ദക്ഷണ് തേജ് എന്നിവരുടെ ദേഹത്ത് ടിന്നര് ഒഴിച്ച് തീ കൊളുത്തുകയായിരുന്നു. ഗുരുതരമായി പൊള്ളലേറ്റ സുബിന ഇന്ന് വൈകീട്ടോടെയാണ് കോഴിക്കോട് മെഡിക്കല് കോളജ് ആശുപത്രിയില് മരണത്തിന് കീഴടങ്ങിയത്. രജീഷിന് 50 ശതമാനം പൊള്ളലേറ്റിട്ടുണ്ട്. രജീഷും ദക്ഷണ് തേജും കോഴിക്കോട് മെഡിക്കല് കോളജ് ആശുപത്രിയില് ചികില്സയിലാണ്. അയല്വാസികള് രജീഷിനെയും കുടുംബത്തെയും ആശുപത്രിയിലേക്ക് മാറ്റുന്നതിനിടെയാണ് വീടിനുള്ളിലേക്ക് കയറിയ രഞ്ജിത് ആത്മഹത്യ ചെയ്തത്. രഞ്ജിത്തിന്റെ മൃതദേഹം തിങ്കളാഴ്ച വൈകീട്ട് വാള്യായി വാതക ശ്മശാനത്തില് സംസ്കരിച്ചു. നാദാപുരത്തിനടുത്ത് പാറക്കടവ് സ്വദേശിയാണ് മരിച്ച സുബിന. ചന്ദ്രന്റെയും കൗസല്യയുടെയും മകളാണ്.
RELATED STORIES
ഗസയില് ഇസ്രായേല് സൈനികര് ഫലസ്തീനികളെ മനുഷ്യകവചമായി ഉപയോഗിച്ചു;...
3 May 2024 11:10 AM GMTഫ്ളാറ്റില്നിന്ന് കുഞ്ഞിനെ പുറത്തേക്കെറിഞ്ഞത് മാതാവ്; യുവതി ലൈംഗിക...
3 May 2024 9:38 AM GMTയുവതിയെ ഹോട്ടലില് കയറി കുത്തിക്കൊലപ്പെടുത്താന് ശ്രമിച്ചതിന്...
3 May 2024 8:55 AM GMTഫ്ളാറ്റില് നിന്ന് കുഞ്ഞിനെ എറിഞ്ഞത് ആമസോൺ പാര്സല് കവറില്;...
3 May 2024 8:53 AM GMTരോഹിത് വെമുലയുടെ മരണം; കേസ് അവസാനിപ്പിച്ചതായി തെലങ്കാന പോലിസ്, ...
3 May 2024 8:50 AM GMTനടുറോഡില് പിഞ്ചുകുഞ്ഞിന്റെ മൃതദേഹം; ഫ്ളാറ്റില് നിന്ന്...
3 May 2024 8:47 AM GMT